മു​ഖം കാ​ണി​ച്ചാ​ൽ 'ചെ​ക്​ ഇ​ൻ'

ദു​ബൈ: മു​ഖം കാ​ണി​ച്ച്​ യാ​ത്രാ​ന​ട​പ​ടി​ക​ൾ പൂ​ർ​ത്തി​യാ​ക്കു​ന്ന സം​വി​ധാ​നം എ​ല്ലാ യാ​ത്ര​ക്കാ​രി​ലേ​ക്കും വ്യാ​പി​പ്പി​ക്കാ​നൊ​രു​ങ്ങി ദു​ബൈ വി​മാ​ന​ത്താ​വ​ളം. നിലവിൽ യു.എ.ഇയിൽ താമസവിസയുള്ള പ്രവാസികൾക്കും ജി.സി.സി പൗരൻമാർക്കുമാണ് ഈ സൗകര്യമുളളത്. അടുത്ത വർഷം മുതൽ പ്രവാസികൾ അടക്കമുള്ള എല്ലാ അന്താരാഷ്ട്ര യാത്രക്കാർക്കും ഈ സൗകര്യം ലഭ്യമാകും.

മുഖം തിരിച്ചറിയൽ സം​വി​ധാ​ന​ത്തി​ലൂ​ടെ ചു​രു​ങ്ങി​യ സ​മ​യ​ത്തി​നു​ള്ളി​ൽ ചെ​ക്​ ഇ​ൻ, എ​മി​ഗ്രേ​ഷ​ൻ ന​ട​പ​ടി​ക​ൾ പൂ​ർ​ത്തി​യാ​ക്കാ​ൻ ക​ഴി​യു​മെ​ന്ന​താ​ണ്​ ഇ​തി​ന്‍റെ പ്ര​ത്യേ​ക​ത.'

പ​ദ്ധ​തി യാ​ഥാ​ർ​ഥ്യ​മാ​ക്കു​ന്ന​തി​ന്​ ജി.​ഡി.​ആ​ർ.​എ​ഫ്.​എ​യും എ​മി​റേ​റ്റ്​​സും ത​മ്മി​ൽ ക​രാ​ർ ഒ​പ്പു​വെ​ച്ചു. ആ​ദ്യ​പ​ടി​യാ​യി ടെ​ർ​മി​ന​ൽ മൂ​ന്നി​ലെ യാ​ത്ര​ക്കാ​ർ​ക്കാ​ണ്​ സം​വി​ധാ​നം ഏ​ർ​പ്പെ​ടു​ത്തു​ന്ന​ത്. നി​ല​വി​ൽ പാ​സ്​​പോ​ർ​ട്ട്, ടി​ക്ക​റ്റ്​ എ​ന്നി​വ ന​ൽ​കി​യാ​ണ്​ ചെ​ക്​ ഇ​ൻ ചെ​യ്യു​ന്ന​ത്. എ​ന്നാ​ൽ, പു​തി​യ സം​വി​ധാ​നം യാ​ഥാ​ർ​ഥ്യ​മാ​കു​ന്ന​തോ​ടെ ഗേ​റ്റി​ൽ മു​ഖം കാ​ണി​ക്കു​ന്ന​തോ​ടെ ചെ​ക്​ ഇ​ൻ ആ​കും. വി​മാ​ന​ത്താ​വ​ള​ത്തി​ലെ നീ​ണ്ട ക്യൂ ​ഒ​ഴി​വാ​ക്കാ​ൻ ഇ​ത്​ സ​ഹാ​യി​ക്കും. ബ​യോ​മെ​ട്രി​ക് സാ​ങ്കേ​തി​ക വി​ദ്യ​ക​ളും ജി.​ഡി.​ആ​ർ.​എ​ഫ്.​എ ഡേ​റ്റാ​ബേ​സും ഉ​പ​യോ​ഗി​ച്ച് വി​മാ​ന​ത്താ​വ​ള​ത്തി​ലെ ഒ​ന്നി​ല​ധി​കം പോ​യ​ന്‍റു​ക​ളി​ൽ യാ​ത്ര​ക്കാ​രെ തി​രി​ച്ച​റി​യാ​ൻ ക​ഴി​യും. ജി.​ഡി.​ആ​ർ.​എ​ഫ്.​എ മേ​ധാ​വി ല​ഫ്റ്റ​ന​ന്‍റ്​ ജ​ന​റ​ൽ മു​ഹ​മ്മ​ദ് അ​ഹ്‌​മ​ദ്‌ അ​ൽ മ​ർ​റി​യും എ​മി​റേ​റ്റ്സ് ചീ​ഫ് ഓ​പ​റേ​റ്റി​ങ് ഓ​ഫി​സ​ർ അ​ദേ​ൽ അ​ൽ റി​ദ​യും ചേ​ർ​ന്നാ​ണ് ക​രാ​റി​ൽ ഒ​പ്പു​വെ​ച്ച​ത്. ദു​ബൈ​യെ ലോ​ക​ത്തെ മു​ൻ​നി​ര ബി​സി​ന​സ്​ ഹ​ബ്ബും ടൂ​റി​സം കേ​ന്ദ്ര​വു​മാ​യി മാ​റ്റാ​നു​ള്ള ല​ക്ഷ്യ​ത്തി​ലാ​ണ് ത​ങ്ങ​ളെ​ന്ന്​ ജ​ന​റ​ൽ അ​ൽ മ​ർ​റി പ​റ​ഞ്ഞു. ഈ ​വ​ർ​ഷം ഇ​തി​ന​കം 80 ല​ക്ഷം വി​നോ​ദ​സ​ഞ്ചാ​രി​ക​ൾ ന​ഗ​ര​ത്തി​ലെ​ത്തി. അ​വ​ർ​ക്ക്​ മി​ക​ച്ച സേ​വ​ന​ങ്ങ​ളൊ​രു​ക്കു​ന്ന​ത്​ തു​ട​രു​മെ​ന്നും അ​ദ്ദേ​ഹം കൂ​ട്ടി​ച്ചേ​ർ​ത്തു.