മടപ്പള്ളി കോളജ് അലുമ്നി കോളജ്തല സംവാദ മത്സര വിജയികൾ
ദുബൈ: മടപ്പള്ളി കോളജ് അലുമ്നി (എം.ജി.സി.എ) തുടർച്ചയായ നാലാം വർഷവും കോളജ്തല സംവാദ മത്സരം സംഘടിപ്പിച്ചു. എട്ടു ടീമുകൾ പങ്കെടുത്ത മത്സരത്തിൽ യു.സി കോളജ് ആലുവ ഒന്നാം സ്ഥാനവും വിമല കോളജ് തൃശൂർ രണ്ടാം സ്ഥാനവും എൻ.എ.എം കല്ലിക്കണ്ടി മൂന്നാം സ്ഥാനവും നേടി. വിപിൻ ദിവാകർ മുഖ്യ വിധികർത്താവായിരുന്ന മത്സരം വിജി ജോൺ നിയന്ത്രിച്ചു. ഉദ്ഘാടനസമ്മേളനം റേഡിയോ ഏഷ്യ ന്യൂസ്‌ എഡിറ്റർ അനൂപ് കീച്ചേരി ഉദ്ഘാടനം ചെയ്തു. എം.സി.സി.എ പ്രസിഡന്‍റ് മഞ്ജു രാജീവ് അധ്യക്ഷത വഹിച്ചു. അക്കാഫ് ഇവന്‍റ്സ് പ്രസിഡന്‍റ് ചാൾസ് പോൾ മുഖ്യ പ്രഭാഷണം നടത്തി.
അക്കാഫ് ഇവന്‍റ്സ് ജനറൽ സെക്രട്ടറി വി.എസ്. ബിജു കുമാർ, ചീഫ് കോഓഡിനേറ്റർ അനൂപ്, അനിൽ ദേവൻ, നാം ഹരിഹരൻ, കെ.വി. മനോജ്‌, സി.എച്ച്. മനോജ്‌ എന്നിവരും സംസാരിച്ചു. പി.കെ. സൂരജ്, ജനറൽ കൺവീനർ സുരേഷ് ബാബു എന്നിവർ മോഡറേറ്റർമാരായിരുന്നു. ചടങ്ങിൽ രമൽ നാരായണൻ സ്വാഗതവും ശ്രീജിത്ത്‌ നന്ദിയും പറഞ്ഞു.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.