അൽഐൻ ഇന്ത്യൻ സോഷ്യൽ സെന്‍ററിന്‍റെ ഓണാഘോഷം
അൽഐൻ: അൽഐൻ ഇന്ത്യൻ സോഷ്യൽ സെന്‍റർ ഓണാഘോഷം സംഘടിപ്പിച്ചു. മൂന്നു ദിനങ്ങളിലായി സംഘടിപ്പിച്ച പരിപാടികളുടെ ആദ്യദിനം കുട്ടികൾക്കും മുതിർന്നവർക്കും വേണ്ടി പൂക്കളമത്സരം, പായസ മത്സരം, ശ്രീമാൻ ശ്രീമതി, കുമാരൻ, കുമാരി, ബാലൻ, ബാലിക, ഉറിയടി, വടംവലി തുടങ്ങിയവ നടത്തി.
രണ്ടാം ദിനം വിവിധ കലാരൂപങ്ങൾ അടങ്ങിയ ഘോഷയാത്രയും ഉണ്ടായിരുന്നു. വേദിയിൽ ഐ.എസ്.സി 2023-24 കലാവിഭാഗത്തിന്‍റെ പ്രവർത്തനങ്ങൾ മിമിക്രി താരം ഹസീബ് പൂനൂർ ഉദ്ഘാടനം ചെയ്തു. ഐ.എസ്.സി ജനറൽ സെക്രട്ടറി മണികണ്ഠൻ സ്വാഗതം പറഞ്ഞു.
പ്രസിഡന്‍റ് ടി.വി.എൻ. കുട്ടി (ജിമ്മി) അധ്യക്ഷത വഹിച്ചു. യുനൈറ്റഡ് മൂവ്മെന്‍റ് ചെയർമാൻ അഷ്റഫ് പള്ളിക്കണ്ടം, ലോക കേരളസഭ അംഗം ഇ.കെ. സലാം, ലുലു റീജനൽ ഡയറക്ടർ ഷാജി ജമാലുദ്ദീൻ, ഡോ. ഷാഹുൽ ഹമീദ്, വൈസ് പ്രസിഡന്‍റ് സുരേഷ്, കലാവിഭാഗം സെക്രട്ടറി നൗഷാദ് വളാഞ്ചേരി, ഐ.എസ്.സി മുൻ ഭാരവാഹികളായ നരേഷ് സൂരി, മുസ്‌തഫ മുബാറക്, മധു ഓമനക്കുട്ടൻ, റസൽ മുഹമ്മദ്‌ സാലി തുടങ്ങിയവർ ആശംസ നേർന്നു. തുടർന്ന് കലാമേളകളും ഗാനമേളയും അരങ്ങേറി. കലാവിഭാഗം അസി. സെക്രട്ടറി ഉജ്ജാൽ നന്ദി പറഞ്ഞു. മൂന്നാം ദിവസം വിഭവസമൃദ്ധമായ ഓണസദ്യയുമുണ്ടായിരുന്നു.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.