അൽഐൻ: അൽഐൻ-കോഴിക്കോട് വിമാനത്തിൽ പോകേണ്ടിയിരുന്ന യാത്രക്കാരെ മറ്റ് വിമാനങ്ങളിൽ നാട്ടിലെത്തിക്കും. വിസവിലക്ക് പ്രാബല്യത്തിലായ പശ്ചാത്തലത്തിൽ കോഴിക്കോട്-അൽഐൻ വിമാനത്തിൽ വന്നവരെ തിരിച്ചയച്ചതോടെയാണ് ഇവർക്ക് വിമാനത്തിൽ ഇടം കിട്ടാതായത്.
വൈകീട്ട് അൽഐനിൽ നിന്ന് പുറപ്പെട്ട വിമാനത്തിൽ വിസ കാലാവധി കഴിഞ്ഞവരെയും കയറ്റി വിട്ടിട്ടിരുന്നു. എന്നാൽ 65 ലേറെ പേർ വിമാനത്തിൽ ഇടംകിട്ടാതെ വിമാനത്താവളത്തിൽപ്പെട്ടു. ഇവരെ ഷാർജ, അബൂദബി വിമാനത്താവളങ്ങളിലേക്ക് കൊണ്ടുപോയി അവിടെ നിന്ന് ബദൽ വിമാനങ്ങളിൽ യാത്രയാക്കും.
ഷാർജ വഴി പോകുന്നവരെ കൊച്ചി വിമാനത്താവളത്തിലേക്കും അബൂദബിയിൽ നിന്ന് പോകുന്നവരെ കോഴിക്കോട് വിമാനത്താവളത്തിലേക്കുമാണ് എത്തിക്കുക. രാത്രി ഒമ്പതു മണിയോടെ ഇവരെ അതതു വിമാനത്താവളങ്ങളിലേക്ക് മാറ്റും.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.