റെഡ്​ സിഗ്​നലിൽ യു​വ​തി​യു​ടെ മ​ര​ണം: ഡ്രൈ​വ​ർ ര​ണ്ട്​ ല​ക്ഷം ദി​ർ​ഹം ന​ഷ്ട​പ​രി​ഹാ​രം ന​ൽ​കാ​ൻ വി​ധി

ദു​ബൈ:​ റെഡ്​ സിഗ്​നൽ നി​യ​മം ലം​ഘി​ച്ച്​ സ്ത്രീ​യെ വാ​ഹ​ന​മി​ടി​ച്ച്​ കൊ​ല​പ്പെ​ടു​ത്തി​യ കേ​സി​ൽ അ​റ​ബ്​ യു​വാ​വി​ന്​ ജ​യി​ൽ ശി​ക്ഷ​യും ര​ണ്ട്​ ല​ക്ഷം ദി​ർ​ഹം ന​ഷ്ട​പ​രി​ഹാ​രം ന​ൽ​കാ​നും കോ​ട​തി വി​ധി​ച്ചു. ​വ്യാ​ഴാ​ഴ്ച ഖോ​ർ​ഫു​ക്കാ​ൻ കോ​ട​തി​യാ​ണ്​ വി​ധി പ്ര​സ്​​താ​വി​ച്ച​ത്. ഇ​ടി​യു​ടെ ആ​ഘാ​ത​ത്തി​ൽ ഒ​രു യു​വ​തി​ക്ക്​ ഗു​രു​ത​ര പ​രി​ക്കേ​ൽ​ക്കു​ക​യും ചെ​യ്തി​രു​ന്നു. കേ​സി​ൽ യു​വാ​വ്​ കു​റ്റം സ​മ്മ​തി​ച്ചി​രു​ന്നു.

5000 ദി​ർ​ഹം പി​ഴ​യും മ​രി​ച്ച ഇ​ര​യു​ടെ ബ​ന്ധു​ക്ക​ൾ​ക്ക്​ ര​ണ്ട്​ ല​ക്ഷം ദി​ർ​ഹം ന​ഷ്ട​പ​രി​ഹാ​രം ന​ൽ​കാ​നു​മാ​ണ്​ വി​ധി. അ​പ​ക​ട​ത്തി​ൽ​പെ​ട്ട വാ​ഹ​നം ഇ​ൻ​ഷു​ർ ചെ​യ്ത ക​മ്പ​നി​യു​മാ​യി ചേ​ർ​ന്ന്​ വ്യ​ക്​​തി​ഗ​ത​മാ​യോ സം​യു​ക്​​ത​മാ​യോ പി​ഴ അ​ട​ക്ക​ണം. കൂ​ടാ​തെ ക്രി​മി​ന​ൽ ച​ട്ട​പ്ര​കാ​രം ഡ്രൈ​വ​ർ​ ജ​യി​ൽ​ശി​ക്ഷ​യും അ​നു​ഭ​വി​ക്ക​ണ​മെ​ന്ന്​ കോ​ട​തി ഉ​ത്ത​ര​വി​ട്ടു. ഡ്രൈ​വ​റു​ടെ അ​ശ്ര​ദ്ധ​യാ​ണ്​ മ​ര​ണ​ത്തി​ന്​ കാ​ര​ണ​മെ​ന്ന്​ കോ​ട​തി ക​ണ്ടെ​ത്തി​യി​രു​ന്നു. അ​തേ​സ​മ​യം, വി​ധി​ക്കെ​തി​രെ പ്ര​തി അ​പ്പീ​ൽ സ​മ​ർ​പ്പി​ച്ചി​ട്ടു​ണ്ട്. എ​ന്നാ​ൽ, ഇ​ത്​​ ത​ള്ള​ണ​മെ​ന്നാ​വ​ശ്യ​പ്പെ​ട്ട്​ പ്രോ​സി​ക്യൂ​ഷ​നും അ​പേ​ക്ഷ ന​ൽ​കി​യി​രി​ക്കു​ക​യാ​ണ്.