ഡ്രൈവറില്ലാ വാഹനങ്ങൾക്ക് ഡിജിറ്റൽ മാപ്പിങ്​ തുടങ്ങി

ദു​ബൈ: ഡ്രൈ​വ​റി​ല്ലാ കാ​റു​ക​ളും മ​റ്റു വാ​ഹ​ന​ങ്ങ​ളും തെ​രു​വി​ലി​റ​ക്കു​ന്ന​തി​ന്​ മു​ന്നോ​ടി​യാ​യി ഡി​ജി​റ്റ​ൽ മാ​പ്പി​ങ്​ തു​ട​ങ്ങി. ഗൂ​ഗ്​​ൾ മാ​പ്പ്​ ത​യാ​റാ​ക്കു​ന്ന രൂ​പ​ത്തി​ൽ ഓ​ട്ടോ​ണ​മ​സ്​ കാ​റു​ക​ൾ​ക്ക്​ ശ​രി​യാ​യ ദി​ശ നി​ർ​ണ​യി​ക്കാ​ൻ ക​ഴി​യു​ന്ന ഡി​ജി​റ്റ​ൽ മാ​പ്പാ​ണ്​ ത​യാ​റാ​ക്കു​ന്ന​ത്. അ​ടു​ത്ത വ​ർ​ഷം മു​ത​ലാ​ണ്​ ന​ഗ​ര​ത്തി​ൽ ഡ്രൈ​വ​റി​ല്ലാ വാ​ഹ​ന​ങ്ങ​ൾ തെ​രു​വി​ലി​റ​ക്കാ​ൻ പ​ദ്ധ​യി​ട്ടി​ട്ടു​ള്ള​ത്. ദു​ബൈ മു​നി​സി​പ്പാ​ലി​റ്റി​യു​ടെ കീ​ഴി​ലെ ജി​യോ​ഗ്ര​ഫി​ക്​ ഇ​ൻ​ഫ​ർ​മേ​ഷ​ൻ സി​സ്റ്റം​സ്​ സെ​ന്‍റ​റാ​ണ്​ പ്ര​വ​ർ​ത്ത​ന​ത്തി​ന്​ നേ​തൃ​ത്വം ന​ൽ​കു​ന്ന​ത്. മി​ക​ച്ച അ​ന്ത​ർ​ദേ​ശീ​യ മാ​ന​ദ​ണ്ഡ​ങ്ങ​ൾ പ്ര​കാ​രം മാ​പ്പ്​ ത​യാ​റാ​ക്കി അ​ത​നു​സ​രി​ച്ച്​ യാ​ത്ര​യു​ടെ റൂ​ട്ട്​ രൂ​പ​ക​ൽ​പ​ന ചെ​യ്യാ​നാ​ണ് പ​ദ്ധ​തി. ഭാ​വി​യി​ൽ ദു​ബൈ​യി​ലെ ഗ​താ​ഗ​ത സം​വി​ധാ​ന​ത്തി​ന്‍റെ ഗ​ണ്യ​മാ​യ പ​ങ്ക്​ ഈ ​മേ​ഖ​ല​യി​ലേ​ക്ക്​ മാ​റ്റാ​നാ​ണ്​ അ​ധി​കൃ​ത​ർ ആ​ലോ​ചി​ക്കു​ന്ന​ത്. 2030ഓ​ടെ എ​മി​റേ​റ്റി​ന്‍റെ 25 ശ​ത​മാ​നം യാ​ത്ര​ക​ൾ ഡ്രൈ​വ​റി​ല്ലാ വാ​ഹ​ന​ത്തി​ലാ​ക്കു​ക എ​ന്ന ല​ക്ഷ്യ​മാ​ണ്​ യു.​എ.​ഇ വൈ​സ്​ പ്ര​സി​ഡ​ന്റും ​പ്ര​ധാ​ന​മ​ന്ത്രി​യും ദു​ബൈ ഭ​ര​ണാ​ധി​കാ​രി​യു​മാ​യ ശൈ​ഖ്​ മു​ഹ​മ്മ​ദ്​ ബി​ൻ റാ​ശി​ദ്​ ആ​ൽ​മ​ക്തൂം പ്ര​ഖ്യാ​പി​ച്ചി​ട്ടു​ള്ള​ത്.

മി​ക​ച്ച ഡ്രൈ​വ​റി​ല്ലാ വാ​ഹ​ന​ങ്ങ​ൾ മാ​റ്റു​ര​ക്കു​ന്ന മ​ത്സ​ര​ത്തി​ന്​ ക​ള​മൊ​രു​ക്കി വീ​ണ്ടും ദു​ബൈ റോ​ഡ്​ ഗ​താ​ഗ​ത അ​തോ​റി​റ്റി (ആ​ർ.​ടി.​എ) സെ​ൽ​ഫ്​ ഡ്രൈ​വി​ങ്​ വാ​ഹ​ന​ങ്ങ​ളു​ടെ മൂ​ന്നാ​മ​ത്​ ലോ​ക ചാ​ല​ഞ്ചി​ൽ പ​​ങ്കെ​ടു​ക്കാ​ൻ എ​ൻ​ട്രി സ​മ​ർ​പ്പ​ണം ആ​രം​ഭി​ച്ച​താ​യി അ​ധി​കൃ​ത​ർ അ​റി​യി​ച്ചു. സെ​ൽ​ഫ്​ ഡ്രൈ​വി​ങ്​ ബ​സു​ക​ളാ​ണ്​ ഇ​ത്ത​വ​ണ ച​ല​ഞ്ചി​ൽ ഫോ​ക്ക​സ്​ ചെ​യ്യു​ന്ന​ത്.

യു.​​എ.​​ഇ​​യി​​ൽ ഡ്രൈ​​വ​​റി​​ല്ലാ വാ​​ഹ​​ന​​ങ്ങ​​ളു​​ടെ പ​​രീ​​ക്ഷ​​ണം ആ​​രം​​ഭി​​ക്കാ​​ൻ ആ​​ഭ്യ​​ന്ത​​ര മ​​ന്ത്രാ​​ല​​യം സ​​മ​​ർ​​പ്പി​​ച്ച നി​​ർ​​ദേ​ശം ക​ഴി​ഞ്ഞ വ​ർ​ഷം​ അം​​ഗീ​​ക​​രി​​ക്ക​​പ്പെ​​ട്ടി​രു​ന്നു. തു​ട​ർ​ന്ന്​ വി​വി​ധ എ​മി​റേ​റ്റു​ക​ളി​ൽ പ​രീ​ക്ഷ​ണ​ങ്ങ​ൾ ആ​രം​ഭി​ച്ചി​ട്ടു​ണ്ട്.