ദുബൈ സഫാരി പാർക്ക്​ അവസാന ഒരുക്കത്തിൽ

ദുബൈ: ദുബൈ മാത്രമല്ല ഗൾഫ്​ നിവാസികളെല്ലാം കാത്തിരിക്കുന്ന ദുബൈ സഫാരി പാർക്ക്​ അധികം വൈകാതെ അതി​​െൻറ കവാടം സന്ദർശകർക്കായി തുറക്കും. 119  ഹെക്​ടറിൽ ഒരുങ്ങുന്ന മൃഗ സാമ്രാജ്യത്തി​​െൻറ നിർമാണ പു​േരാഗതി സംബന്ധിച്ച്​ ദുബൈ മീഡിയ ഒാഫീസ്​ പുറത്തുവിട്ട വീഡിയോയിൽ പുതുതായി പണിത നിരവധി എടുപ്പുകളും തടാകങ്ങളും പവലിയനുകളും കാണിക്കുന്നുണ്ട്​. കൗണ്ട്​ഡൗൺ തുടങ്ങിയെന്നാണ്​ മീഡിയ ഒാഫീസി​​െൻറ പുതിയ ട്വീറ്റ്​.
100​ കോടി ദിർഹം ചെലവിട്ട്​ പണിയുന്ന പാർക്കി​ൽ ആദ്യ ഘട്ടത്തിൽ 3500 ഒാളം മൃഗങ്ങളാണ്​ ഉണ്ടാവുക. ഇൗ വർഷം ജനുവരിയിൽ തുറക്കുമെന്ന്​ പ്രതീക്ഷിച്ചിരുന്ന സഫാരി പാർക്ക്​ നിർമാണം പൂർത്തിയാകാത്തതിനാൽ ഉദ്​ഘാടനം നീട്ടിവെക്കുകയായിരുന്നു. സെപ്​റ്റംബറിൽ സന്ദർശകർക്ക്​ തുറന്നുകൊടുക്കുമെന്ന്​ പിന്നീട്​ അറിയിപ്പ്​ വന്നു. അൽ വർഖ അഞ്ചിൽ ഡ്രാഗൺ മാർട്ടിന്​ എതിർവശത്തായാണ്​ പാർക്ക്​ സ്​ഥിതി ചെയ്യുന്നത്​. 
അതേസമയം പാർക്കി​​െൻറ നിർമാണ പുരോഗതി ദുബൈ നഗരസഭയുടെ ഉന്നത തല സംഘം കഴിഞ്ഞ ദിവസം സന്ദർശിച്ചു. നഗരസഭയുടെ എൻജിനീയറിങ്​, ആസൂത്രണ വിഭാഗം അസി.ഡയറക്​ടർ ജനറൽ ദാവൂദ്​ അൽ ഹാജിരി, കമ്യുണിക്കേഷൻ ആൻഡ്​ കമ്യുണിറ്റി സെക്​ടർ അസി. ഡയറക്​ടർ ജനറൽ മുഹമ്മദ്​ മുബാറക്​ അൽ മുത്തൈവീ എന്നിവരുടെ നേതൃത്വത്തിലായിരുന്നു സന്ദർശനം. 119 ഹെക്​ടറിൽ 80 ഹെക്​ടർ ലോകത്തെ വിവിധ ഭൂമേഖലകളെ പ്രതിനിധീകരിക്കു​േമ്പാൾ 35 ഹെക്​ടർ തുറന്ന സഫാരി ഗ്രാമമായിരിക്കും. 
ഏഷ്യൻ വില്ലേജ്​, ആഫ്രിക്കൻ വില്ലേജ്​, ഒാപ്പൺ സഫാരി വില്ലേജ്​, കുട്ടികളുടെ പാർക്ക്​ എന്നിങ്ങനെ വിവിധ വിഭാഗങ്ങളായിട്ടായിരിക്കും പാർക്ക്​ സജ്ജീകരിക്കുക.
ലോകത്തെ ത​ന്നെ മ​​ൃഗങ്ങൾക്കായി ഒരുക്കുന്ന ഏറ്റവും മികച്ച ആവാസ കേന്ദ്രമായാണ്​ ദുബൈ സഫാരി പാർക്ക്​ വിഭാവനം ചെയ്യുന്നത്​. 
വ്യത്യസ്​ത മൃഗങ്ങൾക്കായ്​ അവർക്കനുയോജ്യമായ വ്യത്യസ്​ത സാഹചര്യങ്ങൾ ഒരുക്കും. ലോക സഞ്ചാരികളെ ലക്ഷ്യമിട്ട്​ അത്യാധുനിക സൗകര്യങ്ങളും സംവിധാനങ്ങളും തയാറാക്കുന്നുണ്ട്​. 
ഉല്ലാസകരമായ അന്തരീക്ഷം ഒരുക്കുന്നതിനൊപ്പം അന്താരാഷ്​​്ട്ര നിലവാരത്തിലുള്ള  സുരക്ഷാ ക്രമീകരണങ്ങളുടെ കാര്യത്തിൽ വിട്ടുവീഴ്​ചയുണ്ടാവുകയുമില്ല. പൂർണമായും സൗരോർജത്തിൽ പ്രവർത്തിക്കുന്ന പാർക്കിൽ ഏഴര ഹെക്​ടർ വെള്ളച്ചാട്ടം, അരുവി, മത്സ്യ തടാകം എന്നിവയടങ്ങുന്ന മേഖലയായിരിക്കും.