പാസ്പോർട്ടിൽ ‘ഈദ് ഇൻ ദുബൈ’
സ്റ്റാമ്പുമായി യാത്രക്കാരനായ കുട്ടി
ദുബൈ: ഈദ് അവധി ദിനങ്ങളിൽ ദുബൈ വിമാനത്താവളത്തിലെത്തുന്ന സന്ദർശകരുടെ പാസ്പോർട്ടിൽ പതിക്കുന്നത് പ്രത്യേക മുദ്ര. ‘ഈദ് ഇൻ ദുബൈ’ എന്ന് രേഖപ്പെടുത്തിയ പ്രത്യേക സീൽ പതിച്ചാണ് യാത്രക്കാരെ വരവേൽക്കുന്നത്. സഞ്ചാരികളുടെ ദുബൈ യാത്രയും ഈദ് ആഘോഷവും അവിസ്മരണീയമാക്കുന്നതിന്റെ ഭാഗമായാണ് പാസ്പോർട്ടിൽ പ്രത്യേക മുദ്ര പതിപ്പിക്കുന്നത്.
ദുബൈ ജനറൽ ഡയറക്ടറേറ്റ് ഓഫ് റെസിഡൻസി ആൻഡ് ഫോറിനേഴ്സ് അഫയേഴ്സും ബ്രാൻഡ് ദുബൈയും സഹകരിച്ചാണ് പദ്ധതി നടപ്പാക്കുന്നത്.
സന്ദർശകരെ സ്വാഗതം ചെയ്യുന്നതിനും നഗരത്തിലെ അവരുടെ സമയത്തിന് അതുല്യമായ ഒരു സ്മരണിക നൽകുന്നതിനുമാണ് പ്രത്യേക മുദ്ര രൂപപ്പെടുത്തിയതെന്ന് ജി.ഡി.ആർ.എഫ്.എ മേധാവി ലഫ്. ജനറൽ മുഹമ്മദ്‌ അഹ്‌മദ്‌ അൽ മർറി പറഞ്ഞു.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.