അൽെഎൻ: ദുബൈയിൽനിന്ന് അബൂദബി, അൽെഎൻ എന്നിവിടങ്ങളിലേക്ക് എമിറേറ്റ്സ് നടത്തിയിരുന്ന ബസ് സർവീസ് മേയ് 15 മുതൽ നിർത്തുന്നു. മേയ് 15നോ ശേഷമുള്ള തീയതികളിലോ ഫസ്റ്റ് ക്ലാസ്, ബിസിനസ് ക്ലാസ് ബസ് ടിക്കറ്റുകൾ ബുക്ക് ചെയ്ത യാത്രക്കാരെ എമിറേറ്റ്സിെൻറ ടാക്സി കാറിൽ ലക്ഷ്യസ്ഥാനത്ത് എത്തിക്കും. എന്നാൽ, ഇകോണമി ക്ലാസ് ടിക്കറ്റ് ബുക്ക് ചെയ്തവർ ടിക്കറ്റ് റീ ഇഷ്യൂ ചെയ്യാൻ ബുക്കിങ് ഒാഫിസുകളുമായി ബന്ധപ്പെടണമെന്ന് എമിറേറ്റ്സ് അധികൃതർ അറിയിച്ചു. താൽപര്യമുള്ളവർക്ക് ടിക്കറ്റ് ചാർജ് മുഴുവനായി തിരിച്ചു നൽകും. ഇതിനായി emirates.com വെബ്സൈറ്റിലെ റീഫണ്ട് ഫോറത്തിൽ ഒാൺലൈനായി അപേക്ഷിക്കണം.
എമിറേറ്റസ് ബസ് സർവീസ് നിർത്തുന്നതോടെ അബൂദബി, അൽെഎൻ എന്നിവിടങ്ങളിൽനിന്നുള്ള യാത്രക്കാർക്ക് നേരിട്ട് ദുബൈ അന്താരാഷ്ട്ര വിമാനത്താവളത്തിൽ എത്താനുള്ള സൗകര്യമാണ് ഇല്ലാതാകുന്നത്. ദുബൈ റോഡ്^ട്രാൻസ്പോർട്ട് അതോറിറ്റി (ആർ.ടി.എ) ബസുകളും അബൂദബി ഗതാഗത വകുപ്പിെൻറ ബസുകളും ദുബൈ ഗുബൈബ ബസ്റ്റേഷനിലേക്കും ഇബ്നു ബത്തൂത്ത ബസ് സ്റ്റേഷനിലേക്കുമാണ് സർവീസ് നടത്തുന്നത്. അവിടെനിന്ന് യാത്രക്കാർ മെട്രോ ട്രെയിനിലോ ടാക്സിയിലോ യാത്ര തുടരേണ്ടി വരും.അബൂദബി ഖാലിദിയ, അൽെഎൻ മാളിന് സമീപം എന്നിവിടങ്ങളിൽനിന്ന് പുറപ്പെട്ടിരുന്ന എമിറേറ്റസ് ബസ് ദുബൈ അന്താരാഷ്ട്ര വിമാനത്താവളം ടെർമിനൽ മൂന്ന് വരെ പോയിരുന്നു. അബൂദബിയിൽനിന്ന് ദുബൈയിലേക്കും തിരിച്ചും ആറ് വീതം സർവീസുകളും അൽെഎനിൽനിന്ന് ദുബൈയിലേക്കും തിരിച്ചും രണ്ട് വീതം സർവീസുകളുമാണ് എമിറേറ്റ്സ് നടത്തിയിരുന്നത്.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.