അബൂദബി: യു.എ.ഇയുടെ ദേശീയ എയര്‍ലൈനായ ഇത്തിഹാദ് എയര്‍വേസിന് എന്‍വയോണ്‍മെന്‍റല്‍ എയര്‍ലൈന്‍ ഓഫ് ദി ഇയര്‍ 2022 പുരസ്‌കാരം. വാര്‍ഷിക എയര്‍ലൈന്‍ റേറ്റിങ്ങിലാണ് ഇത്തിഹാദ് എയര്‍വേസിന് സുപ്രധാനം നേട്ടം. വ്യോമയാന മേഖലയുടെയും എയര്‍ലൈന്‍റെയും സുസ്ഥിരത മെച്ചപ്പെടുത്തുകയെന്ന ലക്ഷ്യങ്ങളുടെ ഭാഗമായി നടപ്പാക്കുന്ന തന്ത്രങ്ങളാണ് ഈ നേട്ടത്തിന് ഇത്തിഹാദ് എയര്‍ലൈനെ സഹായിച്ചത്.
കാലാവസ്ഥ വ്യതിയാനത്തെ നേരിടുന്നതിനും പരിസ്ഥിതി സംരക്ഷണത്തിനുമുള്ള ആഗോള ശ്രമങ്ങള്‍ക്ക് ശക്തിപകരുന്നതിന് വേണ്ടിയുള്ള അബൂദബിയുടെയും യു.എ.ഇയുടെയും ശ്രമങ്ങളോട് ചേര്‍ന്നുനില്‍ക്കുന്നതാണ് ഇത്തിഹാദിന്‍റെ നേട്ടവും. വ്യോമയാന സുസ്ഥിരതയുടെ നേതൃനിരയില്‍ നില്‍ക്കുകയെന്നതാണ് തങ്ങളുടെ ലക്ഷ്യമെന്ന് ഇത്തിഹാദ് ഏവിയേഷന്‍ ഗ്രൂപ് സി.ഇ.ഒ ടോണി ഡഗ്ലസ് പറഞ്ഞു. കാര്‍ബണ്‍ പുറന്തള്ളല്‍ കുറക്കുന്നതിന് പൈലറ്റ് പദ്ധതി കമ്പനി നടപ്പാക്കി വരുന്നുണ്ട്. ഇതിനുപുറമെ കണ്ടല്‍ക്കാട് വെച്ചുപിടിപ്പിച്ചും പരിസ്ഥിതി സംരക്ഷണത്തിനോടുള്ള പ്രതിബദ്ധത എയര്‍വേസ് പുലര്‍ത്തുന്നുവെന്നും അദ്ദേഹം കൂട്ടിച്ചേര്‍ത്തു.
വിമാനങ്ങളിലെ കാര്‍ബണ്‍ പുറന്തള്ളല്‍ കുറക്കുന്നതിനായി കഴിഞ്ഞ മൂന്നുവര്‍ഷമായി അനേകം ശ്രമങ്ങളാണ് കമ്പനി നടപ്പാക്കിവരുന്നത്. ഇതിനുപുറമെയാണ് എയര്‍ലൈന്‍ സര്‍വിസ് നടത്തുന്ന രാജ്യങ്ങളില്‍ കാര്‍ബണ്‍ സ്വീകരിക്കുന്ന കണ്ടല്‍ക്കാടുകള്‍ വെച്ചുപിടിപ്പിക്കുകയെന്ന പദ്ധതിയും കമ്പനി നടപ്പാക്കുന്നത്.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.