കരുതലി​െൻറ മഹാമേള

ആകാശത്ത് വർണവിസ്മയം തീർത്ത്​ കുതിച്ചുപാഞ്ഞ സൗദി ഫാൽക്കൺ എയർ ക്രാഫ്റ്റി​െൻറ കണ്ണഞ്ചും പ്രകടനം കണ്ടാണ്​ എക്​സ്​പോ നഗരിയിലേക്ക്​ കടന്നത്​. മൂന്ന്​ പ്രവേശനകവാടമുള്ള എക്​സ്​പോ നഗരിയിലേക്ക്​ മൊബിലിറ്റി ഗേറ്റിലൂടെയായിരുന്നു എൻ​​ട്രി. സുരക്ഷ ഉറപ്പാക്കാൻ ഗേറ്റിൽ വളൻറിയർമാർ കുട്ടികളുടെ കൈയിൽ പേരും മൊബൈൽ നമ്പറുമെഴുതി ടാഗ് കെട്ടിക്കൊടുത്തു​. 1000 ഏക്കറിൽ നിരന്നുകിടക്കുന്ന എക്​സ്​പോ ​നഗരിയിൽ കണ്ണ്​ തെറ്റിയാൽ കുട്ടികൾ വഴിതെറ്റാം. ഈ ടാഗ്​ കെട്ടുന്നതോടെ ആത്​മവിശ്വാസത്തോടെ കുട്ടികളുമായി അകത്തുകടക്കാം. ദുബൈ ഓരോരുത്തർക്കും എത്രമാത്രം കരുതൽ നൽകുന്നു എന്നതി​െൻറ തെളിവാണിത്​.

മിക്ക രാജ്യങ്ങളും പങ്കെടുക്കുന്ന മേളയിൽ വരുക ഭാഗ്യമായി കരുതുന്ന ഞങ്ങൾക്ക് എല്ലാ രാജ്യക്കാരെയും നേരിൽ കാണണമെന്നും അവരുടെ സംസ്കാരവും രീതികളും മനസ്സിലാക്കണമെന്നുമുണ്ടായിരുന്നു. മേളയുടെ കാലാവധിയായ ആറ് മാസം കൊണ്ടും അതിന് കഴിയുമെന്ന് തോന്നുന്നില്ല. അത്രയുണ്ട് വലുപ്പവും സജ്​ജീകരണങ്ങളും. സൗദി അറേബ്യയുടെ പവലിയനിൽ അവരുടെ പരമ്പരാഗത പരിപാടി 15 മിനിറ്റിനുള്ളിൽ തുടങ്ങുമെന്ന അറിയിപ്പുകേട്ടപ്പോൾ റൂട്ട്​ അവിടേക്ക്​ തിരിച്ചുവിട്ടു. നാൽപതോ നാൽപത്തഞ്ചോ ഡിഗ്രി ആങ്കിളിൽ ഇപ്പം വീഴുമെന്നതരത്തിൽ ചരിഞ്ഞുനിൽക്കുന്ന സൗദി പവലിയൻ കണ്ട ഞങ്ങൾ ആശ്ചര്യപ്പെട്ടു. കെട്ടിടത്തി​െൻറ നിൽപുകണ്ടതോടെ ഭാര്യക്ക് ഉള്ളിൽ കയറാൻ ചെറിയ ഭയം. അവളെ നിർബന്ധിച്ച്​ അകത്തുകയറ്റിയ ഞങ്ങൾ കണ്ടത്​ വിസ്മയത്തി​െൻറ പുതിയ ലോകമാണ്​. തൊട്ടുമുന്നിൽ എത്തിയിട്ടും ഇത്​ കാണാതെ പോയിരുന്നെങ്കിൽ കനത്ത നഷ്​​ടമായേനേ. റഷ്യ, സൗദി, യു.എ.ഇ, യു.കെ തുടങ്ങിയ പവലിയനുകളുടെ ശിൽപചാതുരി പറഞ്ഞറിയിക്കാൻ പറ്റില്ല. ഓരോ രാജ്യക്കാരും തങ്ങളുടെ രാജ്യത്തി​െൻറ പ്രൗഢിയും യശസ്സും ഉയർത്തിപ്പിടിക്കുന്ന തരത്തിൽ പവലിയനുകൾ ഒരുക്കി. മധുരമാർന്ന സമി യൂസുഫി​െൻറ പാട്ടും രുചിയേറിയ ഇറ്റാലിയൻ പാസ്​തയും കഴിച്ച് മനവും വയറും നിറച്ച് കാണാൻ ഇനിയുമേറെയുണ്ടെന്ന തിരിച്ചറിവിലാണ്​ ഞങ്ങൾ മടങ്ങിയത്​.

-അസ്ഹർ ഏരത്ത്, നാദാപുരം