ഫുജൈറ: ദേശീയ ദിനാഘോഷത്തിന്റെ ഭാഗമായി ഫുജൈറ കെ.എം.സി.സി സംഘടിപ്പിക്കുന്ന സാംസ്‌കാരിക, കലാപരിപാടികൾക്ക് വെള്ളിയാഴ്ച വൈകീട്ട് ആറിന് ഫുജൈറ ഇന്ത്യൻ സോഷ്യൽ ക്ലബിൽ തുടക്കമാകും. യു.എ.ഇ ദേശീയ കെ.എം.സി.സി പ്രസിഡന്റ് ഡോ. പുത്തൂർ റഹ്മാന്റെ അധ്യക്ഷതയിൽ യോഗം ശൈഖ് അഹ്‌മദ്‌ ബിൻ ഹമദ് ബിൻ അൽശർഖി ദേശീയദിന പൊതുയോഗം ഉദ്ഘാടനം ചെയ്യും.
കൂടാതെ വിവിധ സാമൂഹിക സാംസ്‌കാരിക രംഗത്തെ പ്രമുഖർ സംബന്ധിക്കും. തുടർന്ന് പിന്നണി ഗായിക സജിലി സലിം കണ്ണൂർ, ഷമീർ ചാവക്കാട് തുടങ്ങിയവരുടെ സംഘം നയിക്കുന്ന ഗാനമേളയും നടക്കും. ഡിസംബർ ഒമ്പതിന് ദേശീയ ദിനത്തിന്റെ ഭാഗമായി ഫുജൈറ സെന്റ് മേരീസ് സ്കൂളിൽ രാവിലെ എട്ടു മുതൽ വൈകീട്ട് അഞ്ചുവരെ മെഗാ മെഡിക്കൽ ക്യാമ്പും സംഘടിപ്പിക്കുമെന്ന് സംഘാടകർ അറിയിച്ചു.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.