യു.എ.ഇ പ്രഫഷനൽ ഫുട്ബാൾ ലീഗ് ജേതാക്കളായ ശബാബ് അൽ അഹ്‌ലി ക്ലബിന്‍റെ വിജയം ജി.ഡി.ആർ.എഫ്.എയിൽ കേക്ക് മുറിച്ച ആഘോഷിക്കുന്നു
ദുബൈ: അഡ്നോക്ക് യു.എ.ഇ പ്രഫഷനൽ ഫുട്ബാൾ ലീഗ് ചാമ്പ്യന്മാരായ ശബാബ് അൽ അഹ്‌ലി ക്ലബിന്‍റെ വിജയം ദുബൈയിലെ ജനറൽ ഡയറക്ടറേറ്റ് ഓഫ് റെസിഡൻസി ആൻഡ് ഫോറിനേഴ്സ് അഫയേഴ്സ് (ജി.ഡി.ആർ.എഫ്.എ) ആഘോഷിച്ചു. വകുപ്പിന്‍റെ ജാഫിലിയ ഓഫിസിൽ നടന്ന ചടങ്ങിൽ ജി.ഡി.ആർ.എഫ്.എ ദുബൈ മേധാവി ലഫ്റ്റനന്‍റ് ജനറൽ മുഹമ്മദ്‌ അഹ്‌മദ്‌ അൽ മർറി, അസി. ഡയറക്ടർ മേജർ ജനറൽ ഉബൈദ് ബിൻ സുറൂർ, ദുബൈ എയർപോർട്ട് അഫയേഴ്സ് അസിസ്റ്റന്‍റ് ഡയറക്ടർ മേജർ ജനറൽ തലാൽ ശനകീരി അടക്കമുള്ള ഉന്നത ഉദ്യോഗസ്ഥർ സംബന്ധിച്ചു.
ജി.ഡി.ആർ.എഫ്.എ ഓഫിസിലെത്തിയ താരങ്ങളെ വകുപ്പിലെ ഉന്നത ഉദ്യോഗസ്ഥരും ജീവനക്കാരും ചേർന്ന് സ്വീകരിച്ചു. അഡ്നോക്ക് യു.എ.ഇ പ്രൊലീഗ് 2023- സീസണിലുടനീളം മികച്ച പ്രകടനം കാഴ്ചവെച്ച ശബാബ് അൽ അഹ്‌ലി ക്ലബ്‌ 57 പോയന്‍റുമായാണ് ലീഗ് ജേതാക്കളായത്. താരങ്ങളെയും കോച്ചിനെയും ലഫ്റ്റനന്‍റ് ജനറൽ പ്രത്യേകം അഭിനന്ദിച്ചു. ആരോഗ്യപരമായ ജീവിതശൈലി പ്രോത്സാഹിപ്പിക്കുന്നതിനും വ്യത്യസ്ത പശ്ചാത്തലങ്ങളിൽനിന്നുള്ളവരെ ഒരുമിപ്പിക്കുന്നതിനും കായിക വിനോദത്തിനുള്ള പ്രാധാന്യത്തെക്കുറിച്ചും അദ്ദേഹം ചടങ്ങിൽ സംസാരിച്ചു.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.