കലാഹൃദയം റാസല്‍ഖൈമയില്‍ ഒരുക്കിയ ‘ഗസല്‍ കി ഗസാന’യില്‍ റാസാ റസാഖ്, ഇംതിയാസ് ബീഗം, ദിലീപ് സെയ്തു തുടങ്ങിയവര്‍ പാടുന്നു
റാസല്‍ഖൈമ: റാക് കലാഹൃദയം റാസാ റസാഖ് - ഇംതിയാസ് ബീഗം ഗസല്‍ ജോടികളെ പങ്കെടുപ്പിച്ച് റാസല്‍ഖൈമയില്‍ ഒരുക്കിയ ‘ഗസല്‍ കി ഗസാന’ സംഗീത വിരുന്ന് നിറഞ്ഞ കുടുംബ സദസ്സിനാല്‍ ശ്രദ്ധേയമായി.
റാക് ഇന്ത്യന്‍ അസോസിയേഷന് ഹാളില്‍ ഇന്ത്യന്‍ അസോസിയേഷന് വൈസ് പ്രസിഡന്‍റ് കെ. അസൈനാര്‍ ഉദ്ഘാടനം ചെയ്തു. കലാഹൃദയം പ്രസിഡന്‍റ് ദിലീപ് സെയ്തു അധ്യക്ഷത വഹിച്ചു. യു.എ.ഇ രാജകുടുംബാംഗം ശൈഖ് തഹ്നൂന്‍ ബിന്‍ മുഹമ്മദ് ആല്‍ നഹ്യാന്‍റെ നിര്യാണത്തില്‍ സദസ്സ് അനുശോചനം രേഖപ്പെടുത്തി.
അന്തരിച്ച ഗസല്‍ ഗായകന്‍ സബാഹ് സലാമിനെ ബഷീര്‍ തിക്കോടി അനുസ്മരിച്ചു. റാസാ റസാഖ്, ഇംതിയാസ് ബീഗം, റാക് ഇന്ത്യന്‍ അസോസിയേഷന് പ്രസിഡന്‍റ് എസ്.എ. സലീം, ഹിഷാം അബ്ദുസ്സലാം, ചിത്രകലാകാരന്മാരായ ഹബീബ് റഹ്മാന്‍, മുഹമ്മദ് ശാഫി ചെമ്മല എന്നിവരെ ചടങ്ങില്‍ ആദരിച്ചു.
കമ്മിറ്റിയംഗങ്ങളായ ആഷിക്ക് ലീ, ജൂഡ്, ലത്തീഫ് ജുല്‍ഫാര്‍, സലിം അബൂബക്കര്‍, അനീസ്, നൗഷാദ് പൊക്കാലത്ത്, എ.കെ. സേതുനാഥ് തുടങ്ങിയവര്‍ നേതൃത്വം നല്‍കി.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.