ദുബൈ: ദുബൈ ഗ്ലോബൽ വില്ലേജിന്‍റെ 28ാം സീസണിലേക്കുള്ള വി.ഐ.പി ടിക്കറ്റുകൾ വിറ്റഴിഞ്ഞത് റെക്കോഡ് വേഗത്തിൽ. ശനിയാഴ്ച രാവിലെ 10ഓടെ ആരംഭിച്ച ടിക്കറ്റ് വിൽപന 11.21 ആകുമ്പോഴും പൂർത്തിയായി. എക്സിലൂടെ ദുബൈ ഗ്ലോബൽ വില്ലേജ് അധികൃതരാണ് ഇക്കാര്യം അറിയിച്ചത്. വെർജിൻ മെഗാസ്റ്റോർ ടിക്കറ്റസ് വെബ്സൈറ്റിലൂടെയായിരുന്നു വി.ഐ.പി ടിക്കറ്റുകളുടെ വിൽപന നടത്തിയത്.
7000 ദിർഹമായിരുന്നു ഡയമണ്ട് പാക് ടിക്കറ്റുകളുടെ വില. പ്ലാറ്റിനം പാക്കിന് 2950 ദിർഹവും ഗോൾഡ് പാക്കിന് 2250 ദിർഹവും സിൽവർ പാക്കിന് 1750 ദിർഹവുമാണ് വില. വിറ്റഴിഞ്ഞ വി.ഐ.പി ടിക്കറ്റുകളിൽനിന്ന് നറുക്കെടുപ്പിലൂടെ വിജയിക്കുന്ന ഭാഗ്യശാലിക്ക് 25,000 ദിർഹം സമ്മാനമായി ലഭിക്കും.
പ്രവേശന പാസ്, വി.ഐ.പി പാർക്കിങ് സ്റ്റിക്കർ, പ്രിവിലേജ് കാർഡ്, വി.ഐ.പി വണ്ടർ പാസ് എന്നിവ ഉൾപ്പെടുന്നതാണ് വി.ഐ.പി പാക്ക്. കൂടാതെ പാർക്ക് ടാക്സി, കാർ വാഷ്, പോർട്ടർ സർവിസ് വൗച്ചറുകളും ലഭിക്കും.ദുബൈയിൽ വിനോദസഞ്ചാരികളുടെയും സ്വദേശികളുടെയും ഏറ്റവും പ്രധാന ആകർഷണങ്ങളിൽ ഒന്നായ ദുബൈ ഗ്ലോബൽ വില്ലേജിന്‍റെ 28ാം സീസൺ ഒക്ടോബർ 18ന് ആരംഭിക്കും.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.