അജ്മാൻ: ഇന്ത്യൻ അസോസിയേഷൻ ആഭിമുഖ്യത്തില്‍ അജ്മാൻ സൺഡേ മാർക്കറ്റ് സംഘടിപ്പിക്കും. ഒക്ടോബർ 30 മുതൽ അജ്മാനിലെ അൽ ജറഫിലുള്ള അസോസിയേഷന്‍ അങ്കണത്തില്‍ മേള തുടങ്ങും. എല്ലാ ഞായറാഴ്ചകളിലും രാവിലെ 10 മുതൽ രാത്രി 9 വരെയുമാണ് ചന്ത സംഘടിപ്പിക്കുക.
വസ്ത്രങ്ങൾ, വീട്ടുപകരണങ്ങൾ, ഗൃഹോപകരണങ്ങൾ, സുഗന്ധദ്രവ്യങ്ങൾ, ലഘുഭക്ഷണങ്ങൾ എന്നിവ വളരെ ആകർഷകമായ വിലയിൽ ഇവിടെ വിൽപന നടക്കും. മേളയോടനുബന്ധിച്ച് സ്റ്റാളുകൾ സ്ഥാപിക്കാൻ ആഗ്രഹിക്കുന്നവർ ഇന്ത്യൻ അസോസിയേഷൻ അജ്മാനുമായി 06 7467722 എന്ന നമ്പറിലോ info@iaajman.ae എന്ന ഇ-മെയിലിലോ ബന്ധപ്പെടണമെന്ന് ഇന്ത്യൻ അസോസിയേഷന്‍ ജനറൽ സെക്രട്ടറി രൂപ് സിദ്ധു അജ്മാൻ അറിയിച്ചു. ചെറുകിട വ്യവസായങ്ങളെ പ്രോത്സാഹിപ്പിക്കുന്നതിനും കുടുംബങ്ങളുടെ സംഗമസ്ഥാനമാക്കി മാറ്റുന്നതിനുമായി ആരംഭിച്ച സൺഡേ മാർക്കറ്റില്‍ പ്രവേശനം സൗജന്യമായിരിക്കും.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.