അബൂദബി: ഇന്ത്യന്‍ മീഡിയ അബൂദബി (ഇമ) ഓണാഘോഷവും കുടുംബ സംഗമവും നടത്തി. പരിപാടിയില്‍ ഇമ അംഗങ്ങളും കുടുംബാംഗങ്ങളും പങ്കെടുത്തു.
ചടങ്ങില്‍ ബുര്‍ജീല്‍ ഹോള്‍ഡിങ്‌സിനുള്ള ഉപഹാരം റീജനല്‍ മാനേജര്‍ (ബിസിനസ് ഡെവലപ്‌മെന്‍റ്) സി.എം. നിര്‍മലും നോട്ട്ബുക്ക് റസ്റ്റാറന്‍റ് ഗ്രൂപ്പിനുള്ള ഉപഹാരം എം.ഡി. സതീഷ്‌കുമാറും മാനേജര്‍ ഷംലാക് പുനത്തിലും ചേര്‍ന്ന് ഏറ്റുവാങ്ങി. ഇന്ത്യന്‍ മീഡിയ അബൂദബി പ്രസിഡന്‍റ് എന്‍.എം. അബൂബക്കര്‍, ജനറല്‍ സെക്രട്ടറി ടി.എസ്. നിസാമുദ്ദീന്‍, ട്രഷറര്‍ ഷിജിന കണ്ണന്‍ദാസ്, വൈസ് പ്രസിഡന്‍റ് അബ്ദുല്‍റഹ്‌മാന്‍, ജോയന്‍റ് സെക്രട്ടറി അനില്‍ സി. ഇടിക്കുള എന്നിവര്‍ ചേര്‍ന്നാണ് ഉപഹാരം നല്‍കിയത്.
ഗോള്‍ഡന്‍ വിസ നേടിയ റാഷിദ് പൂമാടം, അംഗങ്ങളുടെ മക്കളില്‍ വിദ്യാഭ്യാസ മികവു പുലര്‍ത്തിയ ഹനാന്‍ റസാഖ്, പി.എം. ആമിന എന്നിവരെയും ആദരിച്ചു. എന്‍.എം. അബൂബക്കറിന്‍റെ അധ്യക്ഷതയില്‍ നടന്ന പരിപാടിയില്‍ ടി.എസ്. നിസാമുദ്ദീന്‍ സ്വാഗതവും ഷിജിന കണ്ണന്‍ദാസ് നന്ദിയും പറഞ്ഞു. റസാഖ് ഒരുമനയൂര്‍, സമീര്‍ കല്ലറ എന്നിവര്‍ നേതൃത്വം നല്‍കി.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.