അജ്മാൻ: ഇന്ത്യൻ സോഷ്യൽ സെന്‍റർ ആഭിമുഖ്യത്തില്‍ അജ്മാനിൽ നാടക മത്സരം സംഘടിപ്പിക്കുന്നു. 2022 ഫെബ്രുവരി 11, 12, 13 തീയതികളിൽ എൻസെംബ്ലൾ തിയറ്റർ ഫെസ്റ്റ് അജ്മാൻ(ഇ.ടി.എഫ്.എ) എന്ന പേരിൽ നാടക മത്സരം സംഘടിപ്പിക്കാനാണ് ഇന്ത്യൻ സോഷ്യൽ സെന്‍റർ അജ്മാൻ മാനേജിങ് കമ്മിറ്റി തീരുമാനം. 30 മിനിറ്റിൽ കൂടുതലും 45 മിനിറ്റിൽ കുറഞ്ഞ സമയ ദൈർഘ്യവുള്ള നാടകങ്ങളാണ് മത്സരത്തിന് പരിഗണിക്കുക. കഴിഞ്ഞ ഒക്ടോബറിൽ അന്തരിച്ച നടൻ നെടുമുടി വേണുവിന്‍റ ഓർമക്കാണ് ഈ വർഷത്തെ നാടക മത്സരം നടക്കുന്നതെന്ന് സംഘാടകർ അറിയിച്ചു.
കേരളത്തിൽ നിന്നുള്ള പ്രശസ്ത നാടക പ്രവർത്തകർ അംഗങ്ങളായ ജൂറിയായിരിക്കും വിജയികളെ തിരഞ്ഞെടുക്കുന്നത്‌. വിജയികൾക്ക്‌ കാഷ്‌ അവാർഡും പ്രശസ്തിപത്രവും സമ്മാനിക്കും. മികച്ച അവതരണം, മികച്ച രണ്ടാമത്തെ അവതരണം, മികച്ച സംവിധായകൻ, നടൻ, നടി, രണ്ടാമത്തെ നടൻ, രണ്ടാമത്തെ നടി, ബാലതാരം, പ്രകാശ വിതാനം, പശ്ചാത്തല സംഗീതം, രംഗസജ്ജീകരണം എന്നിവർക്കും പുരസ്കാരങ്ങൾ നൽകും. നാടകമത്സരത്തിൽ പങ്കെടുക്കാൻ ആഗ്രഹിക്കുന്ന സമിതികൾ ജനുവരി 15നു മുമ്പ് രജിസ്ട്രേഷൻ നടപടികൾ പൂർത്തിയാക്കേണ്ടതാണ്. കൂടുതൽ വിവരങ്ങൾക്ക്‌ 0526993225.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.