അബൂദബി: ഇൻഡിഗോ എയർലൈൻസ് തിങ്കളാഴ്ച അബൂദബിയിൽനിന്ന് കോഴിക്കോേട്ടക്കും കൊച്ചിയിൽനിന്ന് അബൂദബിയിലേക്കും സർവീസ് ആരംഭിക്കും. എല്ലാ ദിവസവും ഇൗ റൂട്ടുകളിൽ സർവീസ് ഉണ്ടാകും. അബൂദബിയിൽനിന്ന് വൈകുന്നേരം 5.30ന് പുറപ്പെടുന്ന വിമാനം കോഴിക്കോട്ട് പ്രാദേശിക സമയം രാത്രി 11.30ന് എത്തും. കോഴിക്കോട്ട് നിന്ന് പുലർച്ചെ 12.40ന് പുറപ്പെടുന്ന വിമാനം പുലർച്ചെ 3.30നാണ് അബൂദബിയിലെത്തുക. കൊച്ചിയിൽനിന്ന് ഉച്ചക്ക് 1.30ന് പുറപ്പെട്ട് വൈകുന്നേരം 4.30ന് അബൂദബിയിലെത്തും.
അബൂദബിയിൽനിന്ന് പുലർച്ചെ 4.30ന് പുറപ്പെടുന്ന വിമാനം രാവിലെ 10.30നാണ് കൊച്ചിയിലെത്തുക. കോഴിക്കോട്-അബൂദബി, കൊച്ചി-അബൂദബി റൂട്ടുകളിൽ 355 ദിർഹം മുതലാണ് വിമാന ചാർജ് ഇൗടാക്കുകയെന്ന് ഇൻഡിഗോ അധികൃതർ വാർത്താസമ്മേളനത്തിൽ അറിയിച്ചു. എയർലൈൻസിെൻറ 11ാമത് അന്താരാഷ്ട്ര ഡെസ്റ്റിനേഷനാണ് അബൂദബി. 48 ആഭ്യന്തര ഡെസ്റ്റിനേഷനുകളെയും 11 അന്താരാഷ്ട്ര ഡെസ്റ്റിനേഷനുകളെയും ബന്ധിപ്പിച്ച് ദിനംപ്രതി ഇൻഡിഗോ 1200ലധികം സർവീസ് നടത്തുന്നുണ്ട്. അബൂദബിയിൽനിന്ന് സർവീസ് ആരംഭിക്കാൻ സാധിച്ചതിൽ ഏറെ സന്തോഷമുണ്ടെന്ന് ഇൻഡിഗോ ചീഫ് കോമേഴ്സ്യൽ ഒാഫിസർ വില്യം ബോൾട്ടർ വാർത്താസമ്മേളനത്തിൽ പറഞ്ഞു.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.