ഇന്ന്​ അന്താരാഷ്​ട്ര മാതൃദിനം: മുകിലി​െൻറ മനസ്സിൽനിന്ന്​ പെയ്​തൊഴിയില്ല ഇൗ ബേബിയമ്മ

അൽ​െഎൻ: വർഷങ്ങൾ പലത്​ കഴിഞ്ഞു. എന്നിട്ടും മുകിൽ എന്ന കുട്ടിയുടെ മുഖം ബേബി പ്രകാശൻ തെളിച്ചം മങ്ങാതെ ഒാർക്കുന്നു. വർഷങ്ങൾക്ക്​ മുമ്പ്​ സ്​കൂൾ ബസപകടത്തിൽ​െപട്ട്​ സ​ാരമായി പരിക്കേറ്റ്​ രക്​തത്തിൽ കുളിച്ച സ്​പെഷൽ സ്​കൂൾ ആയയായ ബേബിയെ റോഡിൽനിന്ന്​ ആംബുലൻസിലേക്ക്​ മാറ്റിയപ്പോൾ ബേബിയുടെ ഡ്രസി​ൽ പിടിമുറുക്കി ആംബുലൻസിൽ കയറാൻ വാവിട്ട്​ കരഞ്ഞ തിരുവനന്തപുരം സ്വദേശിയായ മുകിലിനെ അവർക്ക്​ മറക്കാനാകില്ല. മുകിലും കുടുംബവും നാട്ടിലേക്ക്​ പോയി എന്നല്ലാതെ കൂടുതൽ വിവരങ്ങളൊന്നും ബേബിക്ക്​ അറിയില്ല.

എങ്കിലും അവനെ കണ്ടുമുട്ടാനുള്ള അവസരമുണ്ടാക​െട്ട എന്ന്​ പ്രാർഥിക്കുകയാണ്​ ഇൗ അമ്മമനസ്സ്​. സ്വന്തം കുഞ്ഞിനെ പോലെ തന്നെ പരിപാലിച്ച ബേബിയെ കാണാൻ മുകിലും ആഗ്രഹിക്കുന്നുണ്ടാകുമെന്ന്​ തീർച്ച.ഇൗജിപ്​തുകാരിയായ ഒരു കുട്ടി സ്​കൂൾ പഠനം കഴിഞ്ഞ്​​ വർഷങ്ങൾക്ക്​ ശേഷം തന്നെ കാണാൻ വന്നത്​ ബേബി ഒാർക്കുന്നു. സാറ എന്ന്​ പേരുള്ള ഇൗ കുട്ടി വാഹനത്തിൽ സഞ്ചരിക്കവേയാണ്​ യാദൃശ്ചികമായി ബേബിയെ ഒരുനോക്ക്​ കണ്ടത്​. വീട്ടിലെത്തിയ കുട്ടി ആയയെ കാണണമെന്ന്​ മാതാപിതാക്കളെ അറിയിക്കുകയും വാശിപിടിക്കുകയും ചെയ്​തു.

തുടർന്ന്​ മാതാപിതാക്കൾ കുട്ടിയെയും കൂട്ടി ബേബിയെ കാണാൻ വന്നു. ആ സമാഗമം മറക്കാനാവാത്തതാണെന്ന്​ ബേബി പറയുന്നു. ഇത്തരത്തിൽ ഒാരോ കുട്ടികളുമായും ആത്​മബന്ധം സൃഷ്​ടിച്ചതാണ്​ ബേബിയു​െട അമ്മമനസ്സ്​. പെറ്റ മക്കൾക്ക്​ വേണ്ടി അന്നം തേടി ഒന്നര പതിറ്റാണ്ടായുള്ള സ്​കൂൾ ജോലിക്കിടയിൽ വാടാനപ്പള്ളി ഏങ്ങണ്ടിയൂർ സ്വദേശിയായ ബേബി പ്രകാശൻ നൂറുകണക്കിന്​ കുഞ്ഞുങ്ങളെയാണ്​ ​പെറ്റമ്മയെ പോലെ തന്നെ നോക്കിയത്​. അൽെഎൻ ജൂനിയേഴ്​സ്​ സ്​കൂളി​​​െൻറ കീഴിൽ പ്രവർത്തിച്ചിരുന്ന ഭിന്നശേഷിയുള്ള കുട്ടികളുടെ സ്​കൂളിൽ 2002ലാണ്​ ബേബി പ്രകാശ്​ ജോലിക്ക്​ കയറിയത്​.  

2012ൽ ഇൗ സ്​ഥാപനം കുട്ടികളുടെ കുറവ്​ കാരണം പൂട്ടിയെങ്കിലും അൽ​െഎൻ ജൂനിയേഴ്​സ്​ സ്​കൂളി​​​െൻറ തന്നെ കെ.ജി. ക്ലാസുകളിലെ കുട്ടികളുടെ പരിചരണം ഒരമ്മ എന്ന നിലയിൽ അവർ ആസ്വദിക്കുകയാണ്​. സംസാരിക്കാനും കേൾക്കാനും കഴിവില്ലാത്ത കുഞ്ഞുങ്ങളുടെ മനസ്സിലുള്ളത്​ അവർ പറയാതെ തന്നെ കേൾക്കാനും അവരുടെ മനസ്സിലുള്ളത്​ തിരിച്ചറിയാനും മാതൃത്വം എന്ന അനുഭൂതി ആസ്വദിക്കുന്നതിലൂടെ കഴിയുന്നതായി ബേബി പ്രകാശ്​ പറയുന്നു. 

പെറ്റമ്മ​െയ ​േപാലെ കുട്ടികൾക്ക്​ സ്​നേഹവും പരിചരണവും കുട്ടികൾക്ക്​ ബേബിയിൽനിന്ന്​ ലഭിക്കുന്നതായി സഹപ്രവർത്തകരും പറയുന്നു.
അസുഖം വന്നാൽ പോലും ബേബി സ്​കൂളിലെത്തും. കുട്ടികൾക്ക്​ വേണ്ടി എന്തെങ്കിലും ചെയ്​താലെ ബേബിക്ക്​ അന്നന്നത്തെ ദിവസം പൂർത്തിയാവുകയുള്ളു.  
പതിനാറര വർഷമായി അൽ​െഎൻ ജൂനിയേഴ്​സ്​ സ്​കൂളിൽ ജോലി ചെയ്യുന്ന ബേബി പ്രകാശനെ കുറിച്ച്​ ഇതുവരെ രക്ഷിതാക്കളിൽ നിന്നോ കുട്ടികളിൽ നിന്നോ സഹപ്രവർത്തകരിൽ നിന്നോ ഒരു പരാതി പോലും ലഭിച്ചിട്ടില്ലെന്ന്​ സ്​കൂൾ അധികൃതർ പറയുന്നു. പല രാജ്യങ്ങളിൽനിന്നുള്ള വിവിധ ഭാഷകൾ സംസാരിക്കുന്ന മക്കൾക്ക്​ ത​​​െൻറ മാതൃത്വം പകുത്ത്​ നൽകികൊണ്ടിരിക്കുന്ന ബേബി പ്രകാശന്​ എല്ലാദിവസവും മാതൃദിനമാണ്​.