ഫുജൈറ: ഫുജൈറ ഇന്ത്യന്‍ സോഷ്യല്‍ ക്ലബിന്‍റെ ആഭിമുഖ്യത്തില്‍ ഇന്റര്‍നാഷനല്‍ യോഗ ദിനവും ലോക സംഗീതദിനവും സംഘടിപ്പിച്ചു. സോഷ്യല്‍ ക്ലബ്‌ പ്രസിഡന്റ്‌ നാസറുദ്ദീന്‍ അധ്യക്ഷത വഹിച്ച പരിപാടി ക്ലബ്‌ ജനറല്‍സെക്രട്ടറി പ്രദീപ് കുമാര്‍ നിയന്ത്രിച്ചു.
ഫുജൈറ ഇന്ത്യന്‍ സോഷ്യല്‍ ക്ലബ്‌ ഓഡിറ്റോറിയത്തില്‍ നടന്ന പരിപാടിയില്‍ ഫുജൈറ എമിനന്‍സ് സ്കൂള്‍ യോഗ അധ്യാപകന്‍ എം.എസ്. പ്രശാന്ത്‌ യോഗ പരിശീലന നിര്‍ദേശങ്ങള്‍ നല്‍കി. കുട്ടികളുടെ യോഗയുമായി ബന്ധപ്പെട്ട കലാവിരുന്ന് പ്രകടനം പരിപാടിയെ വര്‍ണാഭമാക്കി. സംഗീത അധ്യാപകരായ ജയലക്ഷ്മി നായര്‍, മൈത്രി സജീഷ് എന്നിവര്‍ ഗാനം ആലപിച്ചു. യോഗ ഗുരു പ്രശാന്തിന് സോഷ്യല്‍ ക്ലബ്‌ പ്രസിഡന്റ്‌ നാസറുദ്ദീന്‍ ഉപഹാരം നല്‍കി ആദരിച്ചു. വൈസ് പ്രസിഡന്റ്‌ സഞ്ജീവ് മേനോന്‍ നന്ദി പറഞ്ഞു.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.