ദുബൈ: പുതിയ ബിസിനസ് തുടങ്ങാൻ ആലോചിക്കുന്നവർക്കും നിലവിലെ സംരംഭങ്ങളിൽ വളർച്ച ആഗ്രഹിക്കുന്നവർക്കും പുത്തൻ ആശയങ്ങളും നേതൃപാടവവും പകർന്നുനൽകുന്നതിന് ‘ഗൾഫ് മാധ്യമം’ ഒരുക്കുന്ന ‘ബോസസ് ഡേ ഔട്ടി’ന്‍റെ നാലാമത് എഡിഷനിലേക്കുള്ള ടിക്കറ്റ് വിൽപന ആരംഭിച്ചു.
സെപ്റ്റംബർ 25 ബുധനാഴ്ച ദുബൈ പാം ജുമൈറയിലെ പഞ്ചനക്ഷത്ര ഹോട്ടലായ വാൾഡോഫ് അസ്റ്റോറിയയിലാണ് ‘ബോസസ് ഡേ ഔട്ട്’ അരങ്ങേറുന്നത്.
ഇതിഹാസ ക്രിക്കറ്റ് താരവും ലോകപ്രശസ്ത പ്രചോദക പ്രഭാഷകനുമായ ജോണ്ടി റോഡ്സ്, സെലിബ്രിറ്റി മെന്‍റർ അർഫീൻ ഖാൻ, എഴുത്തുകാരിയും സംരംഭകയുമായ പൂജ മഖീജ, എ.ഐ കണ്ടന്‍റ് വിദഗ്ധനായ സാനിധ്യ തുൾസിനന്ദൻ എന്നിവർ നയിക്കുന്ന സെഷനുകളും ഉൾപ്പെടുന്ന ‘ബോസസ് ഡേ ഔട്ട്’ ദുബൈയിലെ ബിസിനസ്-മാനേജ്‌മെന്‍റ് മേഖലകളിലെ പ്രഫഷണലുകൾക്ക് പുതു വഴികാട്ടിയായിരിക്കും. പുതുതലമുറ സംരംഭകർ, സ്റ്റാർട്ടപ്പ് ടീം അംഗങ്ങൾ തുടങ്ങിയവർക്കും ഉപകാരപ്പെടുന്ന രീതിയിലാണ് പരിപാടി ഒരുക്കുന്നത്.
ലുലു ഗ്രൂപ്, നെസ്റ്റോ, ജലീൽ ഡിസ്ട്രിബ്യൂഷൻ, സ്മാർട്ട് ട്രാവൽസ്, സഫാരി ഗ്രൂപ്, കോസ്മോ ഗ്രൂപ്, ഒഡോറ പെർഫ്യൂംസ്, റീഡ് മെറ്റ തുടങ്ങി ബിസിനസ് രംഗത്തെയും പ്രഫഷനൽ രംഗത്തെയും പ്രമുഖ സ്ഥാപനങ്ങളുടെ മേധാവികളുമായി സംവദിക്കാനുള്ള അവസരവും ‘ബോസസ് ഡേ ഔട്ട്’ വാഗ്ദാനം ചെയ്യുന്നു.
കൂടാതെ ബിസിനസ് തലവന്മാർ നേരിടുന്ന വെല്ലുവിളികൾ, നേതൃരൂപീകരണം, തൊഴിലിടങ്ങളിലെ മാനസികാരോഗ്യം എന്നീ വിഷയങ്ങളിൽ കേന്ദ്രീകരിച്ചുള്ള വിവിധ സെഷനുകളും അരങ്ങേറും. പ്രമുഖ വ്യക്തികളുമായുള്ള കൂടിക്കാഴ്ചക്കും അവസരമുണ്ടാകും.
1,250 ദിർഹം (പ്രവേശനം ഒരാൾക്ക്), 3,500 (നാല് പേർക്ക്), 7,500 (എട്ട് പേർക്ക്) എന്നിങ്ങനെയാണ് ടിക്കറ്റ് നിരക്ക്. സിംഗിൾ എൻട്രിയോടൊപ്പം ഗൾഫ് മാധ്യമത്തിൽ പരസ്യം ചെയ്യാൻ അവസരം നൽകുന്ന 3,500 ദിർഹമിന്‍റെ സിൽവർ പാക്കേജും മൂന്ന് പേർക്കുള്ള പ്രവേശനത്തോടൊപ്പം പരസ്യത്തിന് അവസരം നൽകുന്ന 7,500 ദിർഹമിന്‍റെ പ്ലാറ്റിനം പാക്കേജും ഇതോടൊപ്പം ലഭ്യമാണ്.
ടിക്കറ്റുകൾ മുൻകൂട്ടി ബുക് ചെയ്യുന്നവർക്ക് ഏർളി ബേഡ് ഓഫറും ലഭ്യമാണ്. ക്യൂ ടിക്കറ്റ്സിന്‍റെ https://events.q-tickets.com/uae/eventtickets/5958591684 എന്ന ലിങ്ക് വഴി ഓൺലൈനായി ടിക്കറ്റുകൾ ബുക്ക് ചെയ്യാം. അന്വേഷണങ്ങൾക്ക് 0555129847, 042521071 എന്നീ നമ്പറുകളിലും cok@gulfmadhyamam.net എന്ന ഇ-മെയിലിലും ബന്ധപ്പെടാം.
യു.എ.ഇയിലെ ഇന്ത്യൻ ബിസിനസുകാരുടെ ഏറ്റവും വലിയ സംഘടനയായ ഐ.ബി.പി.സി, മഹാരാഷ്ട്രക്കാരായ ബിസിനസുകാരുടെ കൂട്ടായ്മയായ ജി.എം.ബി.എഫ് (ഗ്ലോബൽ), തമിഴ് ബിസിനസുകാരുടെ കൂട്ടായ്മയായ ടി.ഇ.പി.എ-ടീം എന്‍റർപ്രണേസ് തുടങ്ങിയ പ്രവാസ ലോകത്തെ ബിസിനസ് കൂട്ടായ്മകൾ ‘ബോസസ് ഡേ ഔട്ടു’മായി കൈകോർക്കുന്നുണ്ട്. ഇരു കൂട്ടായ്മകളിലെയും അംഗങ്ങൾ പരിപാടിയിൽ പങ്കെടുക്കും.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.