ജൂൺ 5 ലോക പരിസ്ഥിതി ദിനം: അന്നങ്ങനെ, ഇന്നിങ്ങനെ

ജൂൺ 5 ലോക പരിസ്ഥിതി ദിനം. വികസനത്തി​െൻറ പേരിലും മനുഷ്യർ അനിയന്ത്രിതമായി പ്രകൃതി വിഭവങ്ങളെ ചൂഷണം ചെയ്യുന്നതി​െൻറ ഫലമായി പ്രകൃതി ക്ഷോഭങ്ങളും കാലാവസ്ഥ വ്യത്യാനങ്ങളുടെയും തിക്ത ഫലം ലോകം അനുഭവിച്ചുകൊണ്ടിരിക്കുന്ന ഈ കാലത്ത് പ്രകൃതിയെയും മരങ്ങളെയും സംരക്ഷിക്കുന്നതി​െൻറ ചെറിയ ഉദാഹരണങ്ങൾ പോലും ശ്രദ്ധിക്കപ്പെടും. വികസനത്തി​െൻറ പേരിൽ മരങ്ങൾ മുറിച്ചു കളയുന്നതും റോഡരിൽകിൽ നിന്ന് മുറിച്ചു മാറ്റുന്ന മരങ്ങളിലെ പക്ഷികൂടുകളിൽ നിന്ന് പറക്കമുറ്റാത്ത പക്ഷികുഞ്ഞുങ്ങൾ റോഡിൽ വീണ്കിടക്കുന്നതുമെല്ലാം പതിവാണെങ്കിലും ഇവിടെ അൽഐനിൽ ഒരു ഗാഫ് മരത്തി​െൻറ പുനർജ്ജന്മത്തി​െൻറ കഥയാണ് പറയാനുള്ളത്.

2019 നവംബർ 10ന് അൽഐനിലുണ്ടായ ശക്തമായ കാറ്റിലും മഴയിലും കടപുഴക്കി റോഡിലേക്ക് വീണതായിരുന്നു ഈ കൂറ്റൻ മരം. അൽഐൻ നഗരസഭ ജീവനക്കാർ ഈ മരത്തി​െൻറ വേരോട്​ കൂടിയ പ്രധാന തടി ഭാഗം ഒഴികെയുള്ളത് വെട്ടിമാറ്റി അതേ സ്ഥലത്ത് കുഴിയെടുത്ത് വീണ്ടും വെച്ചുപിടിപ്പിക്കുകയായിരുന്നു. ഒന്നര വർഷം പിന്നിടുമ്പോൾ ആ വലിയ ഗാഫ് മരത്തിന് ശിഖിരങ്ങൾ വന്ന് പ്രകൃതിക്ക് വീണ്ടും തണൽ വിരിക്കുന്ന ആകർഷണീയമായ ദൃശ്യമാണ് അൽഐൻ മാളിനടുത്ത സിഗന്​ലിനോട് ചേർന്ന് കുവൈതാത്തിലെ ഉമറുബ്നുൽ ഖത്താബ് റോഡി​െൻറ ഓരത്ത് കാണുന്നത്.

യു.എ.ഇയുടെ ദേശീയ വൃക്ഷമാണ് വെള്ളമില്ലെങ്കിലും പച്ചപ്പോടെ മരുഭൂമിയിൽ തലയുയർത്തി നിൽക്കുന്ന,ഒട്ടകങ്ങൾക്കും മനുഷ്യർക്കും കൊടുംചൂടിലും തണലായി നിൽക്കുന്ന ഗാഫ് മരം. കന്നുകാലികൾ ഭക്ഷണമായും മനുഷ്യർ ഒൗഷധമായും ഉപയോഗിക്കുന്നു ഇവയുടെ ഇലയും കായ്കളും. മരുഭൂമിയിൽ അതിജീവനത്തി​െൻറ കഥകൾ കൂടി പറയാനുണ്ട് ഗാഫ് മരങ്ങൾക്ക്.