ദുബൈ: ഫ്രാൻ ഗൾഫ് അഡ്വക്കേറ്റ്സ് ആജൽ കെഫാ ചാമ്പ്യൻസ് ലീഗ് നാലാം സീസണിലെ ഫൈനൽ മത്സരം ഞായറാഴ്ച ദുബൈ ഖിസൈസ് സ്റ്റാർ സ്കൂളിലെ അൽ ഐൻ ഫാം സ്റ്റേഡിയത്തിൽ നടക്കും. വൈകുന്നേരം എട്ടിന് നടക്കുന്ന ഫൈനലിൽ കെ. ഫോർ കട്ടൻ മാഞ്ചെസ്റ്റർ എഫ്.സിയും ബിൻ മൂസ ഗ്രൂപ് എഫ്.സിയുമാണ് ഏറ്റുമുട്ടുന്നത്.
ടൂർണമെന്‍റിലെ മൂന്നാം സ്ഥാനക്കാരെ കണ്ടെത്താനുള്ള മത്സരത്തിൽ അബ്ബ്രിക്കോ ഫ്രൈറ്റ് എഫ്.സിയും യുനൈറ്റഡ് കാലിക്കറ്റ്‌ എൽ സെവൻ എഫ്.സിയുമാണ് മാറ്റുരക്കുന്നത്. വൈകുന്നേരം ആറിനാണ് മത്സരം. കെഫാ മാസ്റ്റേഴ്സ് ഫൈനലിൽ കൺട്രോൾ ഇലക്ട്രിക്കൽ എഫ്.സി കാലിക്കറ്റും അൽബർഷ ടൈപ്പിങ് എഫ്.സി ഷാർജയും തമ്മിൽ ഏറ്റുമുട്ടും.
ഗ്രാൻഡ് ഫൈനലിൽ, യു.എ.ഇ പ്രധാനമന്ത്രിയുടെ ഓഫിസിലെ ചീഫ് ഓഫ് ഗവൺമെന്‍റ് സർവിസസ് മുഹമ്മദ് ബിൻ താലിയ വിശിഷ്ടാതിഥിയാകും. സ്ത്രീകൾക്ക് പാചക മത്സരം, കുട്ടികൾക്ക് കലാകായിക മത്സരങ്ങൾ, കളരിപ്പയറ്റ് പ്രദർശനം എന്നിവ നടക്കും.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.