അബൂദബി: ദുബൈയിൽ നടക്കുന്ന ലോക കേരളസഭ മേഖല സമ്മേളനം, ഷാർജയിൽ നടക്കുന്ന ഗൾഫ് മാധ്യമം കമോൺ കേരള ബിസിനസ് കോൺക്ല േവ് തുടങ്ങിയ പരിപാടികളിൽ പങ്കെടുക്കുന്നതിന് കേരള മുഖ്യമന്ത്രി പിണറായി വിജയൻ യു.എ.ഇയിലെത്തി. അബൂദബി അന്താരാഷ് ട്ര വിമാനത്താവളത്തിൽ നോർക വൈസ് ചെയർമാൻ എം.എ. യൂസുഫലി, ഡയറക്ടർ ഡോ. ആസാദ് മൂപ്പൻ തുടങ്ങിയവർ ചേർന്ന് സ്വീകരിച്ചു. ഭാര്യ കമലം, മാധ്യമ ഉപദേഷ്ടാവ് ജോൺ ബ്രിട്ടാസ് എന്നിവരും മുഖ്യമന്ത്രിയോടൊപ്പമുണ്ട്.
ബുധനാഴ്ച മൂന്ന് കൂടിക്കാഴ്ചകളാണ് പ്രധാനമായും മുഖ്യമന്ത്രി നടത്തുന്നത്. യു.എ.ഇ ഉപപ്രധാനമന്ത്രിയും പ്രസിഡൻഷ്യൽകാര്യ മന്ത്രിയുമായ ശൈഖ് മൻസൂർ ബിൻ സായിദ് അൽ നഹ്യാൻ, സഹമന്ത്രിയും അഡ്നോക് ഗ്രൂപ്പ് സി.ഇ.ഒയുമായ ഡോ. സുൽത്താൻ അഹ്മദ് ആൽ ജാബിർ, അബൂദബി ഇൻവെസ്റ്റ്മെന്‍റ് അതോറിറ്റി മാനേജിങ് ഡയറക്ടർ ശൈഖ് ഹമദ് ബിൻ സായിദ് ആൽ നഹ്യാൻ എന്നിവരുമായാണ് കൂടിക്കാഴ്ച.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.