ദുബൈ: കോവിഡ് നിയന്ത്രണങ്ങളുടെ ഭാഗമായി ടാക്സി യാത്രികർക്ക് ഏർപ്പെടുത്തിയിരുന്ന നിയന്ത്രണത്തിൽ ഇളവ്. 'ഹല' വഴി ബുക്ക് ചെയ്യുന്ന ടാക്സി വാനുകളിൽ നാലുപേർക്ക് സഞ്ചരിക്കാൻ അനുമതി നൽകി. ആറ് സീറ്റുകളുള്ള ടാക്സികൾക്ക് മാത്രമാണ് അനുമതി. ഡ്രൈവറെ കൂടാതെ നടുവിലെ സീറ്റിൽ രണ്ടു പേർക്കും പിൻഭാഗത്തെ സീറ്റിൽ രണ്ടുപേർക്കും സാമൂഹിക അകലം പാലിച്ച് യാത്ര ചെയ്യാം. എന്നാൽ, ചെറിയ ടാക്സികൾക്ക് രണ്ട് യാത്രക്കാരെ മാത്രമേ കയറ്റാൻ അനുവാദമുള്ളൂ. കുടുംബമായും സുഹൃത്തുക്കൾക്കൊപ്പവും സഞ്ചരിക്കുന്നവർക്ക് ഗുണം ചെയ്യുന്ന തീരുമാനമാണിത്. ബുക്ക് ചെയ്ത് ആറ് മിനിറ്റിനുള്ളിൽ ഹല ടാക്സി എത്തുമെന്ന് സി.ഇ.ഒ ക്ലമൻസ് ദുഷെർറ്റർ പറഞ്ഞു.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.