പുതിയ ലോകം, പുതിയ പ്രതീക്ഷകൾ

ദുബൈ: മഹാമാരിക്കു​ മുന്നിൽ അടിപതറാതെ പ്രവാസി സമൂഹത്തെ കൈപിടിച്ചുയർത്തുന്നതിനും ആരോഗ്യരംഗത്ത്​ നേർവഴി കാണിക്കുന്നതിനും പുതിയ പ്രതീക്ഷകൾക്ക്​ നിറം പകരുന്നതിനും മികച്ചൊരു ജീവിതശൈലി കെട്ടിപ്പടുക്കുന്നതിനും പ്രവാസികളെ പ്രാപ്​തരാക്കാൻ​ ലക്ഷ്യമിട്ട്​ 'ഗൾഫ്​ മാധ്യമവും' ആസ്​റ്റർ ഡി.എം ഹെൽത്ത്​കെയറും കൈകോർക്കുന്ന ആരോഗ്യ കാമ്പയിന്​ തുടക്കം. 'ന്യൂ വേൾഡ്​, ന്യൂ ഹോപ്പ്​' എന്നു​ പേരിട്ടിരിക്കുന്ന കാമ്പയിനി​െൻറ പ്രഖ്യാപനവും ലോഗോ പ്രകാശനവും വിർച്വൽ ചടങ്ങിൽ ആസ്​റ്റർ ഡി.എം ഹെൽത്ത്​കെയർ സ്​ഥാപക ചെയർമാനും എം.ഡിയുമായ ഡോ. ആസാദ്​ മൂപ്പൻ നിർവഹിച്ചു.

പ്രവാസികളുടെ ആരോഗ്യസംരക്ഷണത്തിനായി ഗൾഫ്​ മാധ്യമവുമായി ചേർന്ന്​ പദ്ധതികൾ തയാറാക്കുമെന്ന്​ അദ്ദേഹം പറഞ്ഞു. ഇതി​‍െൻറ ഭാഗമായി മെഡിക്കൽ ക്യാമ്പ്​, പ്രത്യേക പാക്കേജ്​, വെബിനാർ, ടെലിമെഡിസിൻ പദ്ധതികൾ നടപ്പാക്കും. ​കോവിഡിനൊപ്പമുള്ള കാലത്ത്​ പ്രവാസികളിൽ മികച്ചൊരു ജീവിതശൈലി കെട്ടിപ്പടുക്കുക എന്നതാണ്​ ലക്ഷ്യം. എല്ലാ കാലത്തും പ്രവാസികൾക്കൊപ്പം നിലകൊള്ളുന്ന 'ഗൾഫ്​ മാധ്യമ'വുമായി ചേർന്ന്​ ഇത്തരമൊരു കാമ്പയിൻ സംഘടിപ്പിക്കാൻ കഴിഞ്ഞതിൽ സന്തോഷമുണ്ടെന്നും ഡോ. ആസാദ്​ മൂപ്പൻ കൂട്ടിച്ചേർത്തു.

ഗൾഫ്​ മാധ്യമം-മീഡിയവൺ മിഡിൽ ഈസ്​റ്റ്​ ഡയറക്​ടർ മുഹമ്മദ്​ സലീം അമ്പലൻ അധ്യക്ഷത വഹിച്ചു. പ്രതിസന്ധികാലത്ത്​ പ്രവാസികൾക്കായി നിരവധി പദ്ധതികൾ നടപ്പാക്കാൻ ഗൾഫ്​ മാധ്യമത്തിന്​ കഴിഞ്ഞുവെന്നും ആരോഗ്യരംഗത്തും ​പ്രവാസിക്ഷേമം ഉറപ്പാക്കാനാണ്​ ആസ്​റ്ററുമായി ചേർന്നുള്ള കാമ്പയിനെന്നും അദ്ദേഹം പറഞ്ഞു. മഹാമാരിയുടെ കാലത്തും പ്രതീക്ഷകളാണ്​ പ്രവാസികളെ മുന്നോട്ടുനയിച്ചത്​. ആ പ്രതീക്ഷകൾക്ക്​ നിറംപകരാൻ കാമ്പയിൻ ഉപകരിക്കുമെന്നും അദ്ദേഹം വ്യക്തമാക്കി.

കഴിഞ്ഞുപോയത്​ പേടിപ്പെടുത്തുന്ന വർഷമായിരുന്നെന്നും 2021 ശുഭപ്രതീക്ഷകളിലേക്കാണെന്നും ആസ്​റ്റർ ഹെൽത്ത്​കെയർ ഡെപ്യൂട്ടി മാനേജിങ്​ ഡയറക്​ടർ അലീഷ മൂപ്പൻ പറഞ്ഞു. പലർക്കും കഠിനമായിരുന്നു 2020. അതിൽനിന്ന്​ നാം ഏറെ മാറിയിരിക്കുന്നു. എങ്ങനെയാണ്​ ന്യൂ നോർമൽ കാലത്ത്​ ജീവിക്കേണ്ടതെന്ന്​ ജനങ്ങ​െള ബോധവത്​കരിക്കാൻ കാമ്പയിൻ ഉപകരിക്കുമെന്നും അലീഷ പറഞ്ഞു.

കോവിഡ്​ എന്ന യാഥാർഥ്യവുമായി പൊരുത്ത​പ്പെട്ടുകഴിഞ്ഞെന്നും സുരക്ഷിതമായി എങ്ങനെ ജീവിക്കാമെന്നാണ്​ ഇനി പഠിക്കേണ്ടതെന്നും ആസ്​റ്റർ ഹോസ്​പിറ്റൽ സി.ഇ.ഒ ഡോ. ഷർബാസ്​ ബിച്ചു പറഞ്ഞു. കോവിഡിന്​​ മുമ്പും ശേഷവും എന്ന രീതിയിൽ കാലം വിഭജിക്കപ്പെട്ടിരിക്കുന്നു. കോവിഡിൽനിന്ന്​ പരിപൂർണ മുക്തി എന്നത്​ ഇനിയും വിദൂരമാണ്​.

എങ്ങനെ മുക്തി നേടാം എന്നതിനെക്കുറിച്ച്​ ആധികാരികമായി രേഖപ്പെടുത്തുന്നതായിരിക്കും ഗൾഫ്​ മാധ്യമവുമൊത്തുള്ള കാമ്പയിൻ എന്നും ഷർബാസ്​ ബിച്ചു വ്യക്തമാക്കി.ആസ്​റ്റർ എക്​സിക്യൂട്ടിവ്​ ഡയറക്​ടർ ടി.ജെ. വിൽസൺ, ഗൾഫ്​ മാധ്യമം യു.എ.ഇ മാർക്കറ്റിങ്​ മാനേജർ ഹാഷിം ജെ.ആർ തുടങ്ങിയവർ പ​ങ്കെടുത്തു.