ദുബൈ: മലയാള സാഹിത്യവേദി / മലയാളി റൈറ്റേഴ്സ് ഫോറം ജി.സി.സിയിലെ എഴുത്തുകാർക്കായി കഥ, കവിത, ലേഖന മത്സരങ്ങൾ നടത്തുന്നു. ‘സമകാലീന രാഷ്ട്രീയവും ഇന്ത്യയുടെ ഭാവിയും’ എന്നതാണ് ലേഖന വിഷയം. ചെറുകഥ, കവിത എന്നിവക്ക് പ്രത്യേക വിഷയങ്ങളില്ല. ചെറുകഥ അഞ്ച് പേജിൽ കവിയാൻ പാടില്ല. അച്ചടി / ഓൺലൈൻ മാധ്യമങ്ങളിൽ പ്രസിദ്ധീകരിച്ചതാകരുത്. രചന മൗലികമായിരിക്കണം. രചയിതാവിന്റെ പേര് സൃഷ്ടിയിൽ ഉൾപ്പെടുത്തരുത്.
രചയിതാവിനെ കുറിച്ചുള്ള വിവരങ്ങൾ പ്രത്യേകം സൃഷ്ടിയോടൊപ്പം അയക്കണം. കൂടാതെ ജി.സി.സിയിൽ താമസക്കാരനാണെന്ന് തെളിയിക്കുന്നതിനുള്ള നിയമാനുസൃത തിരിച്ചറിയൽ രേഖയുടെ കോപ്പി സൃഷ്ടിയോടൊപ്പം ലഭ്യമാക്കണം.
മത്സരാർഥികൾക്ക് പ്രായപരിധിയില്ല. ഒരാളിൽ നിന്ന് ഒന്നിൽ കൂടുതൽ കഥയോ, കവിതയോ, ലേഖനമോ സ്വീകരിക്കുന്നതല്ല. സൃഷ്ടികൾ സമർപ്പിക്കുന്നതിനുള്ള അവസാന തീയതി 2024 ആഗസ്റ്റ് 30 ആണ്. വിജയികൾക്ക് പ്രശസ്തിപത്രവും ശിൽപവും നൽകുന്നതായിരിക്കും. സൃഷ്ടികൾ mrfcontest24@gmail.com എന്ന ഇ-മെയിൽ വിലാസത്തിൽ പി.ഡി.എഫ് ഫോർമാറ്റിൽ അയക്കുക. വിശദവിവരങ്ങൾക്ക് +919539885000, +971554892607 എന്നീ വാട്സ് ആപ് നമ്പറുകളിൽ ബന്ധപ്പെടാം.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.