അൽഐൻ: അൽഐൻ മലയാളി സമാജം ഇന്ത്യൻ സോഷ്യൽ സെന്‍ററുമായി ചേർന്ന് എല്ലാവർഷവും കുട്ടികൾക്കായി നടത്തിവരുന്ന മധുരം മലയാളം സീസൺ 24, മധ്യവേനൽ അവധി ക്യാമ്പിന് ജൂലൈ അഞ്ചിന് തുടക്കമാകും.
ജൂലൈ 14 വരെയുള്ള തുടർച്ചയായ 10 ദിവസങ്ങളിൽ ഇന്ത്യൻ സോഷ്യൽ സെന്‍ററിൽ വെച്ചാണ് ക്യാമ്പ്. കേരളത്തിൽ നിന്നെത്തുന്ന പ്രശസ്ത നാടക പ്രവർത്തകൻ സതീഷ് ജി. നായരാണ് ക്യാമ്പിന്‍റെ മുഖ്യ പരിശീലകൻ. കൂടാതെ ശാസ്ത്ര സാഹിത്യ പരിഷത്ത് പ്രവർത്തകർ, മലയാളം മിഷൻ അധ്യാപകർ, പ്രവാസി സാഹിത്യ പ്രവർത്തകർ തുടങ്ങിയവർ വിവിധ ദിവസങ്ങളിലായി ക്ലാസുകൾ നയിക്കും.
ഭാഷാ സംസ്കാരത്തെപ്പറ്റിയും പ്രകൃതിയുടെ നിലനിൽപിനെപ്പറ്റിയും നാട്ടറിവുകളെപ്പറ്റിയും നാടിന്‍റെ നന്മകളെപ്പറ്റിയുമൊക്കെയുള്ള പ്രായോഗിക പരിജ്ഞാനം വിദ്യാർഥികൾക്ക് പറഞ്ഞു കൊടുക്കുകയും അതുവഴി, കുട്ടികളെ സമൂഹത്തോടും പ്രകൃതിയോടും സംവദിക്കാൻ പ്രാപ്തരാക്കുകയും ചെയ്യുക എന്നതാണ് ക്യാമ്പിന്‍റെ മുഖ്യലക്ഷ്യം. ക്യാമ്പിൽ പങ്കെടുക്കാൻ ആഗ്രഹിക്കുന്ന കുട്ടികൾക്ക് പ്രവേശനം സൗജന്യമാണ്.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.