ദുബൈ: എമിറേറ്റിൽ ബസുകളെ കുറിച്ച് യാത്രക്കാർക്ക് തത്സമയ വിവരം നൽകാൻ പുതിയ പദ്ധതി. ഇതുവഴി ഓരോ സ്റ്റോപ്പിലും ബസ് എത്തുന്ന സമയം യാത്രക്കാർക്ക് ലഭ്യമാകും. ഇതിനായി ദുബൈ ആർ.ടി.എ അമേരിക്കയിലെ സ്വിഫ്റ്റ്ലി എന്ന കമ്പനിയുമായി കരാർ ഒപ്പിട്ടു.
വിവിധ മൊബൈൽ ആപ്പുകൾ വഴി ദുബൈയിൽ സർവിസ് നടത്തുന്ന പൊതു ബസുകളുടെ വിവരം തത്സമയം യാത്രക്കാരിലെത്തിക്കാനാണ് പദ്ധതി. ബസ് എത്തുന്ന സമയം, നിലവിൽ ബസ് എത്തിച്ചേർന്ന ലൊക്കേഷൻ എന്നിവ തത്സമയം യാത്രക്കാർക്ക് ലഭ്യമാകും.
ആർ.ടി.എയുടെ സുഹെയിൽ ആപ്, മറ്റ് തേർഡ് പാർട്ടി ട്രാവൽ പ്ലാനിങ് ആപ്പുകൾ എന്നിവക്കെല്ലാം ഈ സംവിധാനത്തിലൂടെ വിവരം നൽകും. അമേരിക്കയിലെ ട്രാൻസിറ്റ് ഡേറ്റ സേവന ദാതാവാണ് സ്വിഫ്റ്റ്ലി. ആർ.ടി.എയുടെ റിയൽടൈം പാസഞ്ചർ ഇൻഫർമേഷൻ കൃത്യമാക്കുക എന്നതാണ് ഇവരുടെ ദൗത്യം.
ഓരോ സ്റ്റോപ്പിലും ബസ് എത്തിച്ചേരാൻ സാധ്യതയുള്ള സമയം, ലക്ഷ്യസ്ഥാനത്തേക്ക് വേണ്ടി വരുന്ന സമയം, ബസ് വൈകാൻ സാധ്യതയുണ്ടെങ്കിൽ അക്കാര്യം എന്നിവ യാത്രക്കാർക്ക് മുൻകൂർ ലഭ്യമാകും. ഏറെനേരം ബസ് കാത്തുനിൽക്കുന്നതും ബസ് കിട്ടാതെ പോകുന്നതും ഈ സംവിധാനത്തിലൂടെ ഒഴിവാക്കാൻ കഴിയുമെന്നാണ് പ്രതീക്ഷ.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.