‘മഹിതം മലപ്പുറം’ ഫെസ്റ്റ് സംബന്ധിച്ച് വാര്‍ത്തസമ്മേളനത്തില്‍ വിശദീകരിക്കുന്നു
അബൂദബി: ഇന്ത്യന്‍ ഇസ്ലാമിക് സെന്ററില്‍ ജൂണ്‍ 17, 18 തീയതികളില്‍ അബൂദബി മലപ്പുറം ജില്ല കെ.എം.സി.സിയുടെ കീഴില്‍ ‘മഹിതം മലപ്പുറം’ ഫെസ്റ്റ് സംഘടിപ്പിക്കും. 17ന് വൈകീട്ട് നാലു മുതല്‍ 11 മണി വരെയും 18ന് രാവിലെ ഒമ്പതു മുതല്‍ രാത്രി 11 വരെയുമായിരിക്കും പരിപാടി.
അബൂദബി നിവാസികള്‍ക്കും സന്ദര്‍ശകര്‍ക്കും മഹിതം മലപ്പുറം ഫെസ്റ്റില്‍ പങ്കെടുക്കാനും മലപ്പുറത്തിന്റെ തനിമ വിളിച്ചോതുന്ന സംസ്‌കാരത്തിന്റെയും സമൂഹത്തിന്റെയും സമ്പന്നമായ ദൃശ്യാവിഷ്‌കാരങ്ങള്‍ ആസ്വദിക്കാനും അവസരമുണ്ടാവും. കലാകാരന്‍ മധുലാല്‍ കൊയിലാണ്ടിയുടെ കലാപ്രകടനം ഉണ്ടായിരിക്കും.
വിവിധ സംഘടനാ നേതാക്കള്‍ അതിഥികളാവും. പ്രവേശനം സൗജന്യമാണ്. വാര്‍ത്തസമ്മേളനത്തില്‍ അബൂദബി കെ.എം.സി.സി സംസ്ഥാന പ്രസിഡന്റ് ഷുക്കൂറലി കല്ലുങ്കല്‍, ടി.കെ. അബ്ദുല്‍ സലാം, അസീസ് കാളിയാടന്‍, ഹംസക്കോയ, അഷ്റഫ് അലി പുതുക്കുടി, നൗഷാദ് തൃപ്രങ്ങോട്, ഡോ. നവീന്‍ ഹൂദ് അലി, മുഹമ്മദ് ശരീഫ്, കുഞ്ഞിപ്പ മോങ്ങം, ഹുസൈന്‍ സി.കെ, ബഷീര്‍ വറ്റല്ലൂര്‍, ഷംസു എ.കെ, ഹസന്‍ അരീക്കന്‍, മുനീര്‍ എടയൂര്‍, ഷാഹിദ് ചെമ്മുക്കന്‍, സാല്‍മി പരപ്പനങ്ങാടി, നാസര്‍ വൈലത്തൂര്‍, ഷാഹിര്‍ എ.വി, സമീര്‍ പുറത്തൂര്‍, സിറാജ് ആതവനാട് എന്നിവർ പങ്കെടുത്തു.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.