ഗോൾഡൻ വിസക്കായുള്ള മെഡിക്കൽ പരിശോധനക്ക് മമ്മൂട്ടി ദുബൈ അൽനഹ്ദ മെഡിക്കൽ സെൻററിൽ എത്തിയപ്പോൾ
ദുബൈ: യു.എ.ഇ സർക്കാരിെൻറ ഗോൾഡൻ വിസ സ്വീകരിക്കുന്നതിനായി മമ്മൂട്ടി ദുബൈയിലെത്തി. വ്യാഴാഴ്ച ദുബൈയിലെത്തിയ മമ്മൂട്ടി അൽ നഹ്ദ മെഡിക്കൽ സെൻററിലെത്തി വിസക്കായുള്ള മെഡിക്കൽ പൂർത്തിയാക്കി.
കോവിഡ് ആരംഭിച്ച ശേഷം മമ്മൂട്ടിയുടെ ആദ്യ വിദേശ യാത്രയാണിത്. ഗ്രാൻഡ് ഹയാത്തിലാണ് താമസം. ദുബൈയിൽ സ്വകാര്യ പരിപാടിയിൽ പങ്കെടുക്കാൻ കൂടിയാണ് മമ്മൂട്ടി എത്തിയത്.
കലാരംഗത്തെ സംഭാവനകൾ വിലയിരുത്തിയാണ് മമ്മൂട്ടിക്കും മോഹൻലാലിനും യു.എ.ഇ സർക്കാർ ഗോൾഡൻ വിസ നൽകി ആദരിച്ചത്. ആദ്യമായാണ് കേരളത്തിൽ നിന്നുള്ള സിനിമ താരങ്ങൾക്ക് ഗോൾഡൻ വിസ ലഭിക്കുന്നത്. അടുത്ത ദിവസം തന്നെ മോഹൻലാലും യു.എ.ഇയിൽ എത്തി വിസ സ്വീകരിക്കും.
നേരത്തെ ഷാരൂഖ് ഖാൻ, സഞ്ജയ് ദത്ത് ഉൾപെടെയുള്ള സിനിമ താരങ്ങൾക്കും സാനിയ മിർസ ഉൾപെടെയുള്ള കായിക താരങ്ങൾക്കും ഗോൾഡൻ വിസ നൽകിയിരുന്നു.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.