അബൂദബി: എമിറേറ്റ് അതിര്‍ത്തി മേഖലയായ മദീനത്ത് സായിദ് നഗരത്തില്‍ ഗ്ലൈഡര്‍ തകര്‍ന്നുവീണ് ഒരാള്‍ക്കു ഗുരുതര പരിക്കേറ്റു. ദേശീയ ദുരന്ത നിവാരണ വിഭാഗം, അബൂദബി പൊലീസുമായി സഹകരിച്ച് പരിക്കേറ്റയാളെ ഹെലികോപ്ടറില്‍ ആശുപത്രിയിലേക്കു മാറ്റി. ശൈഖ് ശഖ്ബൂത്ത് മെഡിക്കല്‍ സിറ്റിയില്‍ ചികിത്സയിലാണിദ്ദേഹം.
കൂടുതല്‍ വിവരങ്ങള്‍ അധികൃതര്‍ പുറത്തുവിട്ടിട്ടില്ല. കഴിഞ്ഞ ആഗസ്റ്റ് അവസാനം അബൂദബി ശൈഖ് സായിദ് മസ്ജിദിന്‍റെ പാര്‍ക്കിങ് ഗ്രൗണ്ടിലുണ്ടായ ഗ്ലൈഡര്‍ അപകടത്തില്‍ പൈലറ്റിനു പരിക്കേറ്റിരുന്നു. അല്‍ ബത്തീന്‍ എക്സിക്യൂട്ടിവ് എയര്‍പോര്‍ട്ടില്‍ ലാന്‍ഡ് ചെയ്യാന്‍ പോകുന്നതിനിടെ സാങ്കേതിക തകരാര്‍ മൂലം ഗ്ലൈഡര്‍ തകര്‍ന്നുവീഴുകയായിരുന്നു.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.