ആ​രോ​ഗ്യ മേ​ഖ​ല​യി​ൽ 425 സ്വ​ദേ​ശി​ക​ളെ നി​യ​മി​ച്ചു

ദു​ബൈ: സ്വ​​കാ​ര്യ ആ​രോ​ഗ്യ സു​ര​ക്ഷ മേ​ഖ​ല​ക​ളി​ൽ സ്വ​ദേ​ശി​ക​ളാ​യ 425 വി​ദ്യാ​ർ​ഥി​ക​ളെ നി​യ​മി​ച്ച​താ​യി മാ​ന​വ വി​ഭ​വ​ശേ​ഷി, സ്വ​ദേ​ശി​വ​ത്​​ക​ര​ണ മ​ന്ത്രാ​ല​യം അ​റി​യി​ച്ചു. നാ​ഫി​സ്​ നാ​ഷ​ന​ൽ ഹെ​ൽ​ത്ത്​ കെ​യ​ർ പ്രോ​ഗ്രാ​മി​ൽ എ​ൻ​റോ​ൾ ചെ​യ്ത വി​ദ്യാ​ർ​ഥി​ക​ൾ​ക്കാ​ണ്​ സ്റ്റ​ഡി​ങ്​ സി​റ്റി​സ​ൺ എം​പ്ലോ​യ്​​മെ​ന്‍റ്​ ക​രാ​ർ പ്ര​കാ​രം നി​യ​മ​നം ല​ഭി​ച്ച​ത്.

വി​ദ്യാ​ർ​ഥി​ക​ൾ​ക്ക്​ പ​ഠ​ന​ത്തോ​ടൊ​പ്പം ജോ​ലി​ക്ക്​ അ​വ​സ​രം ല​ഭി​ക്കു​ന്ന​തി​നാ​യി മാ​ന​വ വി​ഭ​വ ശേ​ഷി, സ്വ​ദേ​ശി​ക​വ​ത്​​ക​ര​ണ മ​ന്ത്രാ​ല​യം നാ​ഫി​സു​മാ​യി ചേ​ർ​ന്ന്​ രൂ​പം ന​ൽ​കി​യ പ​ദ്ധ​തി​യാ​ണ്​ സ്റ്റ​ഡി​ങ്​ സി​റ്റി​സ​ൺ എം​പ്ലോ​യ്മെ​ന്‍റ്​ കോ​ൺ​ട്രാ​ക്ട്.

പ​ദ്ധ​തി​ക്ക്​ കീ​ഴി​ൽ വി​ദ്യാ​ർ​ഥി​ക​ൾ​ക്ക്​ സ്വ​കാ​ര്യ ആ​രോ​ഗ്യ സ്ഥാ​പ​ന​ങ്ങ​ളു​ടെ സ്പോ​ൺ​സ​ർ​ഷി​പ്​ സ്വീ​ക​രി​ക്കാ​നും വേ​ജ്​ സു​ര​ക്ഷ സം​വി​ധാ​നം വ​ഴി ചു​രു​ങ്ങി​യ​ത്​ 4000 ദി​ർ​ഹം ശ​മ്പ​ളം നേ​ടാ​നും ക​ഴി​യും. ജോ​ലി നേ​ടു​ന്ന വി​ദ്യാ​ർ​ഥി​ക​ൾ അം​ഗീ​കൃ​ത പെ​ൻ​ഷ​ൻ ഫ​ണ്ടി​ൽ ര​ജി​സ്റ്റ​ർ ചെ​യ്താ​ൽ അ​ക്കാ​ദ​മി​ക്​ മി​ക​വി​ന്‍റെ അ​ടി​സ്ഥാ​ന​ത്തി​ൽ നാ​ഫി​സി​ൽ നി​ന്ന്​ ധ​ന​സ​ഹാ​യം ല​ഭി​ക്കും. ബി​രു​ദം പൂ​ർ​ത്തി​യാ​ക്കി​യ ശേ​ഷം വി​ദ്യാ​ർ​ഥി​ക​ൾ​ക്ക്​ സ്ഥാ​പ​ന​ത്തി​ന്‍റെ ജോ​ലി സ്വീ​ക​രി​ക്കാ​നും യോ​ഗ്യ​ത അ​നു​സ​രി​ച്ച്​ നാ​ഫി​സ്​ പ​ദ്ധ​തി​യി​ൽ നി​ന്ന്​ സാ​മ്പ​ത്തി​ക സ​ഹാ​യം നേ​ടാ​നും സാ​ധി​ക്കും

അ​തേ​സ​മ​യം, സ്റ്റ​ഡി​ങ്​ സി​റ്റി​സ​ൺ എം​പ്ലോ​യ്​​മെ​ന്‍റ്​ കോ​ൺ​ട്രാ​ക്ട്​ വ​ഴി വി​ദ്യാ​ർ​ഥി​ക​ളെ നി​യ​മി​ക്കു​ന്ന സ്ഥാ​പ​ന​ങ്ങ​ൾ​ക്ക്​ എ​മി​റ​റ്റൈ​സേ​ഷ​ൻ ടാ​ർ​ഗ​റ്റി​ന്‍റെ ഭാ​ഗ​മാ​യി ക​ണ​ക്കാ​ക്കാ​മെ​ന്നും മ​ന്ത്രാ​ല​യം വ്യ​ക്ത​മാ​ക്കി.