അജ്മാൻ: യു.എ.ഇ ദേശീയ ദിനാഘോഷത്തിെൻറ ഭാഗമായി അജ്മാൻ കെ.എം.സി.സി. നടത്തി വന്ന ആഘോഷങ്ങളുടെ സമാപന സമ്മേളനം ശൈഖ് അബ്ദുല്ല ബിൻ സഈദ് അൽ നുഐമി ഉദ്ഘാടനം ചെയ്തു. മലയാളി സമൂഹം ഇത്ര ഗംഭീരമായി യു.എ.ഇ ദേശിയ ദിനം കൊണ്ടാടുന്നതു കാണുമ്പോൾ ഏറെ സന്തോഷവും സ്നേഹവും തോന്നുന്നുവെന്ന് അദ്ദേഹം പറഞ്ഞു. മുൻ മന്ത്രി
വി.കെ.ഇബ്രാഹിം കുഞ്ഞ് മുഖ്യ പ്രഭാഷണം നടത്തി. പ്രസിഡൻറ് സൂപ്പി പാതിരപ്പറ്റ അധ്യക്ഷത വഹിച്ചു.
സൈഫ് ലൈൻ എം.ഡി. അബൂബക്കർ കുറ്റിക്കോൽ, തൂബ അലൂമിനിയം എം.ഡി. സലിം ജമാലുദ്ദീൻ എന്നിവരെ ആദരിച്ചു.യഹ്യ തളങ്കര, ഇബ്രാഹിം എളേറ്റിൽ എന്നിവർ പ്രസംഗിച്ചു. അഷ്റഫ് താമരശ്ശേരി,ശിയാസ് അബൂബക്കർ,ബഷീർ ഇരിക്കൂർ,സഅദ് പുറക്കാട്,ഇസ്മായിൽ എളമഠത്തിൽ, അബ്ദുറഹിമാൻ,ആർ.വി.അലി മൗലവി തുടങ്ങിയവർ സംബന്ധിച്ചു.ദഫ് മുട്ട് വട്ടപ്പാട്ട് തുടങ്ങിയ കലാപരിപാടികളും എം.എ.ഗഫൂർ നയിച്ച ഗാനമേളയും അരങ്ങേറി. ജനറൽ സെക്രട്ടറി മജീദ് പന്തല്ലൂർ സ്വാഗതവും ശരീഫ് കളനാട് നന്ദിയും പറഞ്ഞു.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.