ഷാർജ: യു.എ.ഇയുടെ 52ാമത് ദേശീയദിന പരിപാടികളുടെ മുന്നൊരുക്കങ്ങളുടെ ഭാഗമായി ഷാർജ നാഷനൽ പാർക്ക് അടച്ചു. നവംബർ ആറിനാണ് പാർക്ക് അടച്ചത്. ഈ മാസം 28ന് നടക്കുന്ന ആഘോഷങ്ങൾക്കായി പാർക്ക് വീണ്ടും തുറക്കും. യു.എ.ഇ ദേശീയദിന ആഘോഷങ്ങൾക്കായി രൂപവത്കരിച്ച ഉന്നതതല സമിതി സംഘടിപ്പിക്കുന്ന ദേശീയദിന ആഘോഷ പരിപാടികൾ കാണാൻ ഷാർജ നാഷനൽ പാർക്ക് സന്ദർശിക്കാമെന്ന് താമസക്കാരോടും പൗരൻമാരോടും ഷാർജ മുനിസിപ്പാലിറ്റി അറിയിച്ചു. സന്ദർശകർക്കായി പ്രത്യേക മത്സരപരിപാടികൾ, ആർട്ട് വർക്ഷോപ്പുകൾ, പ്രമുഖർ അവതരിപ്പിക്കുന്ന നൃത്തങ്ങൾ, ദേശീയഗാനങ്ങൾ, നാടകങ്ങൾ എന്നിവയാണ് ദേശീയ ദിനത്തോടനുബന്ധിച്ച് പാർക്കിൽ സംഘടിപ്പിക്കുന്നത്.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.