ദുബൈ: പുതിയ 1000 ദിർഹം കറൻസി നോട്ട് യു.എ.ഇ സെൻട്രൽ ബാങ്ക് പുറത്തിറക്കി. പോളിമർ ഉപയോഗിച്ച് നിർമിച്ച നോട്ടുകൾ ഏപ്രിൽ 10 മുതൽ ബാങ്കുകളിലും എക്സ്ചേഞ്ച് ഹൗസുകളിലും ലഭ്യമായിത്തുടങ്ങും. യു.എ.ഇയുടെ ആഗോള നേട്ടങ്ങളെ പ്രതിഫലിപ്പിക്കുന്ന സാംസ്കാരിക, വികസന ചിഹ്നങ്ങളുടെ ചിത്രങ്ങൾ നോട്ടിൽ ഉപയോഗിച്ചിട്ടുണ്ട്. ബഹിരാകാശ പര്യവേക്ഷണത്തിന്‍റെയും അൽബറക ആണവ നിലയത്തിന്‍റെയും ചിത്രങ്ങൾ ഇരു ഭാഗങ്ങളിലുമായി ചേർത്തിട്ടുണ്ട്.
യു.എ.ഇ രാഷ്ട്രപിതാവ് ശൈഖ് സായിദ് ബിൻ സുൽത്താൻ ആൽ നഹ്യാൻ 1974ൽ നാസ അധികൃതരുമായി ചർച്ച നടത്തുന്ന ചിത്രത്തിന് സമീപത്തായാണ് ബഹിരാകാശ പര്യവേക്ഷണത്തെ സൂചിപ്പിക്കുന്ന ചിത്രം ഉൾപ്പെടുത്തിയത്. നേരത്തേ പ്രചാരത്തിലുള്ള 1000 ദിർഹം നോട്ടിന്‍റെ നിറം തന്നെയാണ് പുതിയതിനും നൽകിയിട്ടുള്ളത്. ആളുകൾക്ക് തിരിച്ചറിയാൻ എളുപ്പമാകുന്നതിനാണ് നിറം നിലനിർത്തിയത്.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.