അൽഐൻ: വളാഞ്ചേരി സ്വദേശിയായ പതിനഞ്ചുകാരൻ അൽെഎനിൽ ഷോക്കേറ്റു മരിച്ചു. ന്യൂ ഇന്ത്യൻ മോഡൽ സ്കൂൾ ഒമ്പതാം ക്ലാസ്സ് വിദ്യാർത്ഥി മുഹമ്മദ്‌ ഷാമിൽ ബാത്ത് റൂമിലെ ഹീറ്ററിൽ നിന്ന് ഷോക്കേറ്റാണ് മരിച്ചത്. ശനിയാഴ്ച രാത്രി രണ്ടു മണിയോടെ ജീമി ആശുപത്രിയിലായിരുന്നു അന്ത്യം. എമിറേറ്റ്സ് ട്രാൻസ്പോർട്ടിൽ ഡ്രൈവറായി ജോലി ചെയ്യുന്ന വളാഞ്ചേരി മാവണ്ടിയൂർ മുഹമ്മദ്‌ ബാബുവിെൻറയും കിളിയങ്ങട്ടേൽ ഷെറീനയുടെയും മകനാണ് മരിച്ച മുഹമ്മദ്‌ ഷാമിൽ. അപകടം നടന്ന ഉടനെ അൽ ഐൻ ജീമി ഹോസ്പിറ്റലിൽ എത്തിച്ചെങ്കിലും രാത്രി രണ്ടു മണിയോടെ മരണപ്പെടുകയായിരുന്നു. മയ്യിത്ത് നടപടിക്രമങ്ങൾ പൂർത്തിയാക്കി അസർ നമസ്കാരത്തോടെ അൽഐനിൽ ഖബറടക്കി. സഹോദരങ്ങൾ: സുലൈമാൻ, സയ്യിദ് നിഷാൻ.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.