മേഖലയിലെ സമാധാനത്തിന്​ ഫലസ്തീൻ രാഷ്ട്രം അനിവാര്യം -ഉർദുഗാൻ

ദു​ബൈ: മേ​ഖ​ല​യി​ൽ സു​സ്ഥി​ര സ​മാ​ധാ​ന​ത്തി​ന്​ ഫ​ല​സ്തീ​ൻ രാ​ഷ്ട്രം രൂ​പ​വ​ത്ക​രി​ക്കേ​ണ്ട​ത്​ ഒ​ഴി​ച്ചു​കൂ​ടാ​നാ​വാ​ത്ത കാ​ര്യ​മാ​ണെ​ന്ന്​ തു​ർ​ക്കി​യ പ്ര​സി​ഡ​ന്‍റ്​ റ​ജ​ബ്​ ത്വ​യ്യി​ബ്​ ഉ​ർ​ദു​ഗാ​ൻ. ദു​ബൈ​യി​ൽ പു​രോ​ഗ​മി​ക്കു​ന്ന ലോ​ക സ​ർ​ക്കാ​ർ ഉ​ച്ച​കോ​ടി​യു​ടെ ര​ണ്ടാം​ദി​ന​ത്തി​ൽ സം​സാ​രി​ക്ക​വെ​യാ​ണ്​ ലോ​ക​നേ​താ​ക്ക​ൾ​ക്കു​ മു​ന്നി​ൽ ഇ​ക്കാ​ര്യം അ​ദ്ദേ​ഹം വ്യ​ക്ത​മാ​ക്കി​യ​ത്. ര​മ്യ​മാ​യി പ​രി​ഹ​രി​ക്ക​പ്പെ​ടാ​ത്ത ഓ​രോ സം​ഭ​വ​വും ഒ​രു പ്ര​ശ്ന​മാ​യി​ത​ന്നെ നി​ല​നി​ൽ​ക്കും. ഇ​സ്രാ​യേ​ൽ മേ​ഖ​ല​യി​ൽ സ്ഥി​ര​മാ​യ സ​മാ​ധാ​നം ആ​ഗ്ര​ഹി​ക്കു​ന്നു​ണ്ടെ​ങ്കി​ൽ കു​ടി​യേ​റ്റ വി​പു​ലീ​ക​ര​ണ ശ്ര​മ​ങ്ങ​ൾ അ​വ​സാ​നി​പ്പി​ക്കു​ക​യും ഫ​ല​സ്തീ​ൻ രാ​ഷ്ട്ര​ത്തി​ന്‍റെ അ​സ്തി​ത്വം അം​ഗീ​ക​രി​ക്കു​ക​യും വേ​ണം. കി​ഴ​ക്ക​ൻ ജ​റൂ​സ​ലം ത​ല​സ്ഥാ​ന​മാ​യി 1967ലെ ​അ​തി​ർ​ത്തി​ക്കു​ള്ളി​ൽ സ്വ​ത​ന്ത്ര​വും പ​ര​മാ​ധി​കാ​ര​വും ഭൂ​മി​ശാ​സ്ത്ര​പ​ര​മാ​യി സം​യോ​ജി​ത​വു​മാ​യ ഫ​ല​സ്തീ​ൻ രാ​ഷ്ട്രം സ്ഥാ​പി​ക്ക​പ്പെ​ടു​ന്ന​തു​വ​രെ എ​ടു​ക്കു​ന്ന ഓ​രോ ചു​വ​ടും അ​പൂ​ർ​ണ​മാ​യി​രി​ക്കും -അ​ദ്ദേ​ഹം വ്യ​ക്ത​മാ​ക്കി.

ഐ​ക്യ​രാ​ഷ്ട്ര​സ​ഭ​യു​ടെ ഫ​ല​സ്തീ​ൻ അ​ഭ​യാ​ർ​ഥി​ക​ൾ​ക്കാ​യു​ള്ള ഏ​ജ​ൻ​സി​ക്ക് സം​ഭാ​വ​ന ന​ൽ​കു​ന്ന​ത് തു​ട​രാ​നും അ​ദ്ദേ​ഹം ലോ​ക രാ​ജ്യ​ങ്ങ​ളോ​ട് ആ​ഹ്വാ​നം​ചെ​യ്തു. ജോ​ർ​ഡ​ൻ, സി​റി​യ, ല​ബ​നാ​ൻ, ഫ​ല​സ്തീ​ൻ പ്ര​ദേ​ശ​ങ്ങ​ളി​ലെ 60 ല​ക്ഷം അ​ഭ​യാ​ർ​ഥി​ക​ളു​ടെ ജീ​വ​നാ​ഡി​യാ​ണ​ത്​ -അ​ദ്ദേ​ഹം കൂ​ട്ടി​ച്ചേ​ർ​ത്തു.

11ാമ​ത്​ ലോ​ക സ​ർ​ക്കാ​ർ ഉ​ച്ച​കോ​ടി​യി​ൽ 120 രാ​ജ്യ​ങ്ങ​ളി​ലെ സ​ർ​ക്കാ​ർ പ്ര​തി​നി​ധി​ക​ളും 25 രാ​ഷ്ട്ര​നേ​താ​ക്ക​ളും പ​​ങ്കെ​ടു​ക്കു​ന്നു​ണ്ട്. ഇ​ന്ത്യ, ഖ​ത്ത​ർ, തു​ർ​ക്കി​യ എ​ന്നി​വ ഇ​ത്ത​വ​ണ അ​തി​ഥി രാ​ജ്യ​ങ്ങ​ളാ​ണ്. 85 അ​ന്താ​രാ​ഷ്ട്ര, പ്രാ​ദേ​ശി​ക കൂ​ട്ടാ​യ്മ​ക​ളും ഉ​ച്ച​കോ​ടി​യു​ടെ ഭാ​ഗ​മാ​ണ്. 110 സം​വാ​ദ​ങ്ങ​ൾ, 200 ആ​ഗോ​ള പ്ര​ഭാ​ഷ​ക​രു​ടെ സം​സാ​ര​ങ്ങ​ൾ, 300 മ​ന്ത്രി​മാ​രു​ടെ പ​ങ്കാ​ളി​ത്തം, 4000 പ്ര​തി​നി​ധി​ക​ൾ എ​ന്നി​ങ്ങ​നെ വി​പു​ല​മാ​യ രീ​തി​യി​ലാ​ണ്​ ഉ​ച്ച​കോ​ടി ഇ​ത്ത​വ​ണ ഒ​രു​ക്കി​യി​ട്ടു​ള്ള​ത്. ഇ​ന്ത്യ​യി​ൽ​നി​ന്ന്​ പ്ര​ധാ​ന​മ​ന്ത്രി ന​രേ​ന്ദ്ര മോ​ദി​യും ബോ​ളി​വു​ഡ്​ താ​രം ഷാ​റൂ​ഖ്​ ഖാ​നും ച​ട​ങ്ങി​ൽ സം​ബ​ന്ധി​ക്കു​ന്നു​ണ്ട്. ഇ​രു​വ​രും ബു​ധ​നാ​ഴ്ച​യാ​ണ്​ ഉ​ച്ച​കോ​ടി​യെ അ​ഭി​സം​ബോ​ധ​ന ചെ​യ്യു​ന്ന​ത്. ‘ഭാ​വി ഗ​വ​ൺ​മെൻറു​ക​ളെ രൂ​പ​പ്പെ​ടു​ത്തു​ക’ എ​ന്ന പ്ര​മേ​യ​ത്തി​ലാ​ണ്​ ഇ​ത്ത​വ​ണ ഉ​ച്ച​കോ​ടി അ​ര​ങ്ങേ​റു​ന്ന​ത്. ഇ​ന്ത്യ​യ​ട​ക്കം അ​തി​ഥി​രാ​ജ്യ​ങ്ങ​ൾ ത​ങ്ങ​ളു​ടെ വി​ജ​യ​ക​ര​മാ​യ സ​ർ​ക്കാ​ർ സം​വി​ധാ​ന​ങ്ങ​ളും അ​നു​ഭ​വ​ങ്ങ​ളും ഉ​ച്ച​കോ​ടി​യി​ൽ പ​ങ്കു​വെ​ക്കും.