മൈൻഡ്​ ഫുൾ ഹാപ്പിയാക്കി പോളും പേളിയും

ഷാ​ർ​ജ: പ്ര​തി​സ​ന്ധി​ക​ളെ മ​റി​ക​ട​ന്ന്​ ജീ​വി​തം കൂ​ടു​ത​ൽ വി​ജ​യ​ക​ര​വും സ​ന്തോ​ഷ​ക​ര​വു​മാ​ക്കാ​നു​ള്ള ടി​പ്സു​ക​ളി​ലൂ​ടെ കു​ടും​ബ പ്ര​ക്ഷേ​ക​രു​ടെ കൈ​യ​ടി നേ​ടി പോ​ൾ ആ​ൻ​ഡ്​ പേ​ളി ഷോ. ​ലോ​ക​പ്ര​ശ​സ്ത​നാ​യ പ്ര​ചോ​ദ​ക പ്ര​ഭാ​ഷ​ക​ൻ പോ​ൾ മാ​ണി​യും മ​ക​ളും അ​വ​താ​ര​ക​യും അ​ഭി​നേ​ത്രി​യു​മാ​യ പേ​ളി​യു​മാ​ണ്​ പ്ര​ചോ​ദ​ന പ്ര​ഭാ​ഷ​ണ​ത്തി​ന്‍റെ വേ​റി​ട്ട അ​നു​ഭ​വം ക​മോ​ൺ കേ​ര​ള സ​ന്ദ​ർ​ശ​ക​ർ​ക്ക്​ സ​മ്മാ​നി​ച്ച​ത്. സ്വ​ന്തം ജീ​വി​ത​ത്തി​ലെ ര​സ​ക​ര​മാ​യ മു​ഹൂ​ർ​ത്ത​ങ്ങ​ൾ പ​ങ്കു​വെ​ച്ചാ​യി​രു​ന്നു ഇ​രു​വ​രു​ടെ​യും അ​വ​ത​ര​ണം.

സ്​​റ്റേ​ജി​ൽ​നി​ന്ന്​ ഇ​റ​ങ്ങി പ്രേ​ക്ഷ​ക​രോ​ട്​ നേ​രി​ട്ട്​ സം​വ​ദി​ച്ച പോ​ൾ കു​ടും​ബ​ങ്ങ​ളു​ടെ ശ്ര​ദ്ധ​നേ​ടി​യ​പ്പോ​ൾ കൊ​ച്ചു കൂ​ട്ടു​കാ​രെ സ്​​റ്റേ​ജി​ലേ​ക്ക്​ വി​ളി​ച്ച്​ വ​രു​ത്തി അ​വ​രു​മാ​യി സം​സാ​രി​ക്കു​ക​യും ആ​ത്​​മ​വി​ശ്വാ​സം വ​ള​ർ​ത്താ​നു​ള്ള ചി​ല മാ​ർ​ഗ​ങ്ങ​ൾ പ​ങ്കു​വെ​ച്ചു​മാ​ണ്​ പേ​ളി സ​ദ​സ്സി​നെ ത​ന്നി​ലേ​ക്ക്​ അ​ടു​പ്പി​ച്ച​ത്. ത​നി​ക്ക്​ കി​ട്ടി​യ ചെ​റി​യ കാ​ര്യ​ങ്ങ​ൾ​ക്ക്​ സ്വ​യം ന​ന്ദി പ​റ​ഞ്ഞ്​ പ​ഠി​ച്ചാ​ൽ ജീ​വി​ത​ത്തി​ൽ അ​തു​ണ്ടാ​ക്കു​ന്ന ആ​ത്​​മ​വി​ശ്വാ​സം എ​ത്ര​ത്തോ​ള​മാ​ണെ​ന്ന്​ സ്വ​ന്തം ജീ​വി​തം ത​ന്നെ ഉ​ദാ​ഹ​രി​ച്ച്​ പോ​ൾ സ​മ​ർ​ഥി​ച്ച​പ്പോ​ൾ കാ​ണി​ക​ൾ അ​ത്​ ശ​രി​വെ​ച്ചു. 

35 വ​യ​സ്സി​ന്​ ശേ​ഷ​മാ​ണ്​ താ​ൻ സ്​​റ്റേ​ജി​ൽ ക​യ​റു​ന്ന​തെ​ന്നും അ​ന്ന്​ തോ​റ്റു പി​ൻ​മാ​റി​യി​രു​ന്നെ​ങ്കി​ൽ ഇ​ങ്ങ​നെ നി​ൽ​ക്കാ​ൻ ക​ഴി​യു​മാ​യി​രു​ന്നി​ല്ലെ​ന്നും അ​ദ്ദേ​ഹം പ​റ​ഞ്ഞു. പ​ല​ത​വ​ണ തോ​റ്റ്​ തോ​റ്റാ​ണ്​ വി​ജ​യം നേ​ടി​യ​തെ​ന്നും പോ​ൾ പ​റ​ഞ്ഞു. പ​ഠ​ന​ത്തി​ൽ മോ​ശ​മാ​യ കു​ട്ടി​യെ​ന്ന്​ മു​ദ്ര​കു​ത്തി ഒ​രി​ക്ക​ൽ സ്കൂ​ളി​ൽ​നി​ന്ന്​ മാ​റ്റി​നി​ർ​ത്ത​പ്പെ​ട്ട താ​ൻ വ​ർ​ഷ​ങ്ങ​ൾ​ക്കു​ശേ​ഷം അ​തേ സ്​​കൂ​ളി​ലെ അ​ധ്യാ​പ​ക​ർ​ക്ക്​ പ്ര​ചോ​ദ​ന പ്ര​ഭാ​ഷ​ണ​ത്തി​ന്​ ചെ​ന്ന അ​നു​ഭ​വം പ​ങ്കു​വെ​ച്ച​പ്പോ​ൾ ക​ര​ഘോ​ഷ​ത്തോ​ടെ​യാ​ണ്​ സ​ദ​സ്സ്​ ഏ​റ്റെ​ടു​ത്ത​ത്. സ്​​റ്റേ​ജി​ൽ ക​യ​റാ​നു​ള്ള ഭ​യ​വും മ​റ്റു​ള്ള​വ​ർ​ക്ക്​ മു​ന്നി​ൽ എ​ഴു​ന്നേ​റ്റു​നി​ന്ന്​ വി​ഷ​യം അ​വ​ത​രി​പ്പി​ക്കാ​നു​ള്ള പേ​ടി​യു​മാ​ണ്​ പ​ല​ർ​ക്കും ക​ഴി​വു​ണ്ടാ​യി​ട്ടും ജീ​വി​ത​ത്തി​ൽ വി​ജ​യം നേ​ടാ​നാ​വാ​തെ​പോ​കു​ന്ന​ത്.

സ്വ​ന്തം മ​ന​സ്സി​നെ ശ​ക്​​തി​പ്പെ​ടു​ത്തി മു​ന്നോ​ട്ടു​പോ​യാ​ൽ മ​റ്റു​ള്ള​തെ​ല്ലാം ന​മ്മു​ടെ പി​റ​കെ വ​രു​മെ​ന്നും പോ​ൾ പ​റ​ഞ്ഞു. സ​ദ​സ്സി​ലു​ള്ള ഒ​രാ​ളെ വി​ളി​ച്ച്​ സ്വ​യം പ​രി​ച​യ​പ്പെ​ടു​ത്താ​ൻ ആ​വ​ശ്യ​പ്പെ​ട്ടാ​ൽ ന​മ്മ​ളി​ൽ പ​ല​രു​ടെ​യും മു​ഖം മോ​ന്ത​യാ​യി രൂ​പ​മാ​റ്റം വ​രും. അ​തി​ന്​ കാ​ര​ണം സ്വ​ന്തം മ​ന​സ്സി​ലു​ള്ള അ​പ​ക​ർ​ഷ ബോ​ധ​വും ഭ​യ​വു​മാ​ണ്. ഈ ​ഭ​യ​ത്തെ ഇ​ല്ലാ​താ​ക്കാ​നാ​യാ​ൽ വി​ജ​യം പി​റ​കെ വ​രും. പു​റം ന​ന്നാ​യ​തു കൊ​ണ്ട്​ കാ​ര്യ​മി​ല്ല. അ​ക​മാ​ണ്​ ആ​ദ്യം ന​ന്നാ​വേ​ണ്ട​ത്. ഇ​ന്ന്​ നാ​ണം കെ​ടാ​ൻ ത​യാ​റാ​യാ​ൽ നാ​ളെ ത​ല​യു​യ​ർ​ത്തി നി​ൽ​ക്കാം. വെ​ള്ളി​യാ​ഴ്ച വൈ​കീ​ട്ട്​ ന​മ്മു​ടെ മു​ഖം മു​ഖ​മാ​യി​രി​ക്കും. എ​ന്നാ​ൽ, തി​ങ്ക​ളാ​ഴ്ച അ​ത്​ മോ​ന്ത​യാ​യി മാ​റും.

ഇ​ഷ്ട​മി​ല്ലാ​ത്ത ജോ​ലി​ക​ൾ ചെ​യ്യേ​ണ്ടി​വ​രു​ന്ന​താ​ണി​തി​ന്​ കാ​ര​ണം. അ​ങ്ങ​നെ മ​ന​സ്സി​ന്​ ഇ​ഷ്ട​മി​ല്ലാ​ത്ത കാ​ര്യ​ങ്ങ​ൾ അ​ടി​ച്ചേ​ൽ​പി​ച്ചാ​ൽ ശ​രീ​രം അ​ത്​ ഏ​റ്റെ​ടു​ക്കു​ക​യും പ​ല​വി​ധ ജീ​വി​ത​ശൈ​ലി രോ​ഗ​ങ്ങ​ളാ​ൽ ന​മ്മെ കീ​ഴ്​​പ്പെ​ടു​ത്തു​ക​യും ചെ​യ്യു​മെ​ന്നും പോ​ൾ വ്യ​ക്​​ത​മാ​ക്കി. സ്ത്രീ​ക​ളും കു​ട്ടി​ക​ളും നേ​രി​ടു​ന്ന പ്ര​ശ്ന​ങ്ങ​ളി​ലേ​ക്കും അ​ത്​ പ​രി​ഹ​രി​ക്കാ​നു​ള്ള മാ​ർ​ഗ​ങ്ങ​ൾ പ​ങ്കു​വെ​ച്ചു​മാ​യി​രു​ന്നു പേ​ളി സ​ദ​സ്യ​രെ കൈ​യി​ലെ​ടു​ത്ത​ത്. സി​നി​മ ക​ഥ​ക​ൾ ഉ​ൾ​പ്പെ​ടെ വി​വി​ധ ഉ​ദാ​ഹ​ര​ണ​ങ്ങ​ളി​ലൂ​ടെ ല​ഘു​വാ​യാ​ണ്​ പേ​ളി കാ​ര്യ​ങ്ങ​ൾ അ​വ​ത​രി​പ്പി​ച്ച​ത്.​ പ്രേ​ക്ഷ​ക​രു​ടെ പ​ങ്കാ​ളി​ത്ത​വും പ്രോ​ഗ്രാ​മി​ൽ ഉ​റ​പ്പു​വ​രു​ത്താ​ൻ പേ​ളി പ്ര​ത്യേ​കം ശ്ര​ദ്ധ​ചെ​ലു​ത്തി​യി​രു​ന്നു.