തടവിൽ കഴിയുന്ന അറ്റ്​ലസ്​ രാമചന്ദ്ര​െൻറ ആരോഗ്യനില മോശമായതായി ഭാര്യ

ദുബൈ: ജയിലിൽ കഴിയുന്ന അറ്റ്​ലസ്​ ജ്വല്ലറി ഉടമ അറ്റ്​ലസ്​ രാമചന്ദ്ര​​​െൻറ ആരോഗ്യ സ്​ഥിതി ഏറെ മോശമായതായി ഭാര്യ ഇന്ദിര. 21 മാസമായി ജയിലിൽ കഴിയുന്ന 75 കാരനായ രാമചന്ദ്ര​നെ കഴിഞ്ഞാഴ്​ച വീൽചെയറിലാണ്​ ആശുപത്രിയിൽ കൊണ്ടുപോയത്​. ത​നിക്കും ആരോഗ്യ ​പ്രശ്​നങ്ങളുണ്ടെന്നും ഏറെ നിസ്സഹായ അവസ്​ഥയിലാണെന്നും ‘ഖലീജ്​ ടൈംസ്​’ പ​ത്രത്തിന്​ അനുവദിച്ച അഭിമുഖത്തിൽ ഇന്ദിര പറഞ്ഞു.

3.40 കോടി ദിർഹത്തി​​​െൻറ ചെക്ക്​​ കാശില്ലാതെ മടങ്ങിയ കേസിൽ 2015 ആഗ്​സ്​ത്​ 23നാണ്​ ദുബൈയിൽ അറസ്​റ്റിലാകുന്നത്​. അന്ന്​ മുതൽ അദ്ദേഹം തടവിലാണ്​. ഭർത്താവി​​​െൻറ ജയിൽ മോചനത്തിനായി ഒറ്റക്കുള്ള പേരാട്ടത്തിലാണ്​ ഇന്ദിര.​ മൊത്തം 15 ലേറെ ബാങ്കുകളിലായി​ 55 കോടി  ദിർഹത്തി​​​െൻറ (ആയിരം​ കോടിയോളം രൂപ) ബാധ്യത രാമചന്ദ്രനുണ്ടെന്നാണ്​ കണക്കാക്കുന്നത്​. ചില ബാങ്കുകൾ തനിക്കെതിരെയും സിവിൽ ​നിയമ നടപടികൾ തുടങ്ങിയിട്ടുണ്ടെന്നും അതിനാൽ താൻ ജയിലിൽ പോകുമെന്ന ഭയത്തിലാണെന്നും 68കാരിയായ ഇന്ദിര പറഞ്ഞു. ഇ​േപ്പാൾ വീട്ടു വാടക കൊടുക്കാൻ പോലും പ്രയാസപ്പെടുകയാണ്​. പക്ഷെ ഭർത്താവിനെ മോചിപ്പിക്കാനുള്ള പേരാട്ടം തുടരും.

ഭർത്താവ്​ അറസ്​റ്റ്​ ചെയ്യപ്പെടു​േമ്പാൾ ഏതാനും മണിക്കൂറുകൾക്ക്​ ശേഷം അദ്ദേഹം മോചിതനാകുമെന്നാണ്​ കരുതിയത്​. ത​​​െൻറ ജീവിതത്തിലെ ഏറ്റവും ദു:ഖകരമായ ദിനങ്ങളാണ്​ വരാൻ പോകുന്നതെന്ന്​ ഉൗഹിച്ചില്ല. എ​ന്തു ചെയ്യണമെന്നോ ആരെ സമീപിക്കണ​മെന്നോ തനിക്കറിയില്ല. ഭർത്താവ്​ അകത്തായതിനാൽ തന്നെ പലരും തോന്നിയപോലെയാണ്​ പ്രവർത്തിക്കുന്നത്​. ജീവനക്കാർക്ക്​ നൽകാനുള്ള കുടിശ്ശിക തീർക്കാനായി അറ്റ്​ലസ്​ ഷോറൂമുകളിലുണ്ടായിരുന്ന  50 ലക്ഷം ദിർഹം വിലവരുന്ന വജ്രാഭരണങ്ങൾ 15 ലക്ഷത്തിനാണ്​ വിറ്റത്​^ ഇന്ദിര പറഞ്ഞു.കടബാധ്യതകൾ തീർക്കാൻ പറ്റുമെന്ന പ്രതീക്ഷയുണ്ട്​. മസ്​കത്തിലെ രണ്ടു ആശുപത്രികൾ മൂന്നര കോടി ദിർഹത്തിന്​ വിൽക്കാനാകും. 

ഇതുവഴി ബാങ്കുകളുമായി താൽക്കാലിക ധാരണയിലെത്താം. വായ്​പനൽകിയ 22 ബാങ്കുകളിൽ 19ഉം ഇതിന്​ സമ്മതിച്ചിട്ടുണ്ട്​. ഇതനുസരിച്ച്​ രാമചന്ദ്രനെതിരായ നിയമ നടപടികൾ നിർത്തിവെക്കും. പുതിയ വായ്​പ തിരിച്ചടവ്​ ധാരണയുണ്ടാക്കാനും സാധിക്കും. എന്നാൽ മൂന്നു ബാങ്കുകൾ ഇതിന്​ വഴങ്ങുന്നില്ല. അവരെക്കൊണ്ട്​ സമ്മതിപ്പിക്കാൻ എല്ലാ വാതിലുകളും മുട്ടുകയാണെന്ന്​ ഇന്ദിര പറഞ്ഞു.