ദുബൈ: ജി.സി.സി രാജ്യങ്ങളിലെ മിടുക്കരായ വിദ്യാർത്ഥികൾക്കായി പി.എം ഫൗണ്ടേഷൻ നടത്തുന്ന ടാലൻറ് സെർച്ച് പരീക്ഷക്ക് അപേക്ഷിക്കാൻ ഇന്ന് വൈകീട്ട് അഞ്ചുവരെ അവസരം. ഒക്ടോബർ 14 ന് നടക്കുന്ന പരീക്ഷക്കായി www.pmfonline.org എന്ന വെബ്സൈറ്റ് മുഖേനയാണ്അപേക്ഷിക്കേണ്ടത്. ബഹറൈൻ, ഖത്തർ, യു.എ.ഇ, ഒമാൻ,കുവൈറ്റ്, സൗദി അറേബ്യ എന്നീ രാജ്യങ്ങളിലെ വിവിധ കേന്ദ്രങ്ങളിലായാണ് പരീക്ഷ നടക്കുക. 2017 മാർച്ച്/ഏപ്രിൽ മാസങ്ങളിൽ നടന്ന പത്താം ക്ലാസ് പരീക്ഷയിൽ എല്ലാ വിഷയങ്ങൾക്കും എ+/ എ1 ഗ്രേഡ് നേടിയ വിദ്യാർത്ഥികൾക്ക് അപേക്ഷിക്കാം. നിശ്ചിത മാർക്ക് നേടുന്ന കുട്ടികൾക്കെല്ലാം ‘അവാർഡ് ഓഫ് എക്സലൻസ്’ സർട്ടിഫിക്കറ്റും പതിനായിരം രൂപ മൂല്യമുള്ള സമ്മാനങ്ങളും നൽകും.
ഏറ്റവും മികച്ച വിജയം നേടുന്ന വിദ്യാർത്ഥികൾക്ക് പി.എം. ഫൗണ്ടേഷൻ ഒന്നേകാൽ ലക്ഷം രൂപയുടെ സ്കോളർഷിപ്പും തുടർപഠന മാർഗ നിർദേശങ്ങളും നൽകും.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.