മാ​ലി​ന്യം വ​ലി​ച്ചെ​റി​യ​രു​ത്, പി​ടി​വീ​ഴും; മു​ന്ന​റി​യി​പ്പു​മാ​യി പൊ​ലീ​സ്​

അ​ബൂ​ദ​ബി: വാ​ഹ​ന​ത്തി​ല്‍നി​ന്ന് മാ​ലി​ന്യം പൊ​തു​സ്ഥ​ല​ത്തേ​ക്ക് വ​ലി​ച്ചെ​റി​ഞ്ഞാ​ല്‍ 1000 ദി​ര്‍ഹം പി​ഴ​യും ആ​റ് ബ്ലാ​ക്ക് പോ​യ​ന്റും ചു​മ​ത്തു​മെ​ന്ന് അ​ബൂ​ദ​ബി പൊ​ലീ​സ് മു​ന്ന​റി​യി​പ്പ്. യാ​ത്രി​ക​ര്‍ മാ​ലി​ന്യം വ​ലി​ച്ചെ​റി​യു​ന്ന​ത് ത​ട​ഞ്ഞി​ല്ലെ​ങ്കി​ല്‍ ഡ്രൈ​വ​റി​ന് പി​ഴ ചു​മ​ത്തും. മാ​ലി​ന്യം ശ​രി​യാ​യ രീ​തി​യി​ല്‍ നി​ക്ഷേ​പി​ച്ച് ആ​രോ​ഗ്യ​വും സു​ര​ക്ഷ​യും പ​രി​സ്ഥി​തി​യും സം​ര​ക്ഷി​ക്ക​ണ​മെ​ന്നും അ​ധി​കൃ​ത​ർ കൂ​ട്ടി​ച്ചേ​ര്‍ത്തു.

വാ​ഹ​നം ഓ​ടി​ക്കു​മ്പോ​ഴും പാ​ര്‍ക്ക് ചെ​യ്യു​മ്പോ​ഴും മാ​ലി​ന്യം പു​റ​ത്തേ​ക്ക് ഇ​ടു​ന്ന​ത് വ​ര്‍ധി​ച്ചി​ട്ടു​ണ്ട്. പാ​ര്‍ക്കു​ക​ളി​ലും മ​റ്റും ഇ​ത്ത​ര​ത്തി​ല്‍ മാ​ലി​ന്യ​ക്ക​വ​റു​ക​ള്‍ കാ​ണാ​നാ​വും. മാ​ലി​ന്യം നി​ക്ഷേ​പി​ക്കാ​ന്‍ വേ​സ്റ്റ് ബി​ന്നു​ക​ള്‍ ഉ​ണ്ടെ​ങ്കി​ലും അ​ശ്ര​ദ്ധ​മാ​യി വ​ലി​ച്ചെ​റി​യു​ന്ന​തി​നെ​തി​രെ നി​ര​വ​ധി ത​വ​ണ അ​ധി​കൃ​ത​ർ മു​ന്ന​റി​യി​പ്പ് ന​ൽ​കി​യി​ട്ടു​ണ്ട്.

താ​മ​സ​ക്കാ​രി​ല്‍ ഉ​ത്ത​ര​വാ​ദി​ത്ത​ബോ​ധം വ​ള​ര്‍ത്തു​ന്ന​തി​നും ന​ഗ​ര​ഭം​ഗി കാ​ത്തു​സൂ​ക്ഷി​ക്കു​ന്ന​തി​നും ശു​ചി​ത്വം പ്രോ​ത്സാ​ഹി​പ്പി​ക്കു​ന്ന​തി​ന്റെ​യും ഭാ​ഗ​മാ​യാ​ണ് മു​ന്ന​റി​യി​പ്പ്​ ന​ട​പ​ടി. അ​ന്താ​രാ​ഷ്ട്ര നി​ല​വാ​ര​ത്തി​ല്‍ തെ​രു​വു​ക​ള്‍ സൗ​ന്ദ​ര്യ​വ​ത്ക​രി​ക്കു​ന്ന​ത് അ​ട​ക്ക​മു​ള്ള പ്ര​വ​ര്‍ത്ത​ന​ങ്ങ​ള്‍ സ​ര്‍ക്കാ​ര്‍ ന​ട​ത്തി​വ​രു​ക​യാ​ണ്. നി​യ​മ​ലം​ഘ​നം ന​ട​ത്തു​ന്ന​വ​ര്‍ക്കെ​തി​രെ ക​ര്‍ശ​ന ന​ട​പ​ടി സ്വീ​ക​രി​ക്കു​മെ​ന്നും പൊ​ലീ​സ് മു​ന്ന​റി​യി​പ്പ് ന​ല്‍കി.