പൊലീസ് പട്രോള് വാഹനത്തില്‍ റോന്തുചുറ്റാനുള്ള
ആഗ്രഹവുമായെത്തിയ ജര്‍മന്‍ ബാലന് റാക് പൊലീസ്
ഉദ്യോഗസ്ഥനൊപ്പം
റാസല്‍ഖൈമ: പൊലീസ് പട്രോള് വാഹനത്തില്‍ റോന്ത് ചുറ്റാനുള്ള ആറു വയസ്സുകാരനായ ജര്‍മന്‍ ബാലന്‍റെ ആഗ്രഹം സാക്ഷാത്കരിച്ച് റാക് പൊലീസ്. പിതാവിനൊപ്പം പൊലീസ് സ്റ്റേഷനിലെത്തിയ ബാലനെ പൊലീസ് പട്രോള് വാഹനത്തില്‍ സവാരി നടത്താനും ചിത്രങ്ങള്‍ പകര്‍ത്താനും റാക് പൊലീസ് ഉദ്യോഗസ്ഥര് സൗകര്യമൊരുക്കി.
സുരക്ഷതിതത്വവും ജീവിത ഗുണനിലവാരവും വര്‍ധിപ്പിക്കുന്ന രീതികള്‍ പിന്തുടരണമെന്ന റാക് പൊലീസ് ജനറല്‍ കമാന്‍ഡിന്‍റെ നിർദേശമനുസരിച്ചാണ് കുട്ടിയുടെ ആഗ്രഹം നിറവേറ്റാൻ അധികൃതർ സൗകര്യമൊരുക്കിയത്.
സമൂഹത്തിലെ എല്ലാ കമ്യൂണിറ്റികളുമായും ആശയവിനിമയത്തിന്‍റെ പാലങ്ങള്‍ നിര്‍മിക്കുന്നതാണ് സംരംഭമെന്നും അധികൃതര്‍ വ്യക്തമാക്കി. ബാലനും പിതാവിനും ഉപഹാരങ്ങള്‍ നല്‍കിയാണ് റാക് പൊലീസ് യാത്രയാക്കിയത്.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.