റാസല്‍ഖൈമയില്‍ നടന്ന ‘ലിറ്റില്‍ ലെക്ചറര്‍’ പ്രോഗ്രാമില് വിജ്ഞാന മത്സരങ്ങളില്‍ വിജയികളായവര്‍ അധികൃതരോടൊപ്പം
റാസല്‍ഖൈമ: റാക് പൊലീസ് കമ്യൂണിറ്റി പ്രൊട്ടക്ഷന് ആൻഡ് പ്രിവന്‍ഷ്യന്‍ ഡിപ്പാർട്മെന്‍റ് റാക് യൂത്ത് സെന്‍ററിന്‍റെ സഹകരണത്തോടെ നടത്തിവന്ന ‘ദി ലിറ്റില്‍ ലെക്ചറര്‍’ പരിപാടിക്ക് പരിസമാപ്തി.
കുട്ടികള്‍ക്കും യുവാക്കള്‍ക്കും അവരുടെ കഴിവുകള്‍ വളര്‍ത്താനും സര്‍ഗാത്മകതയെ ശക്തിപ്പെടുത്തുന്നതുമായ പരിപാടികളാണ് ലിറ്റില്‍ ലെക്ചററിലൂടെ നടത്തിയത്. ശിൽപശാലകള്‍, ബോധവത്കരണ പ്രഭാഷണം, വിജ്ഞാന മത്സരങ്ങള്‍ തുടങ്ങിയവയും നടന്നു. മത്സരങ്ങളില്‍ ആദ്യ മൂന്ന് സ്ഥാനങ്ങള്‍ നേടിയവര്‍ക്ക് ഉപഹാരങ്ങള്‍ നല്‍കിയതായും പ്രോഗ്രാം ബ്രാഞ്ച് ഡയറക്ടര്‍ മേജര്‍ മോസ റാഷിദ് അല്‍ ഖബൂരി പറഞ്ഞു. കമ്യൂണിറ്റി പ്രൊട്ടക്ഷന് ആൻഡ് പ്രിവന്‍ഷ്യന്‍ ഡിപ്പാർട്മെന്‍റ് ഡയറക്ടര്‍ കേണല്‍ ഡോ. നാസര്‍ മുഹമ്മദ് അല്‍ ബക്കര്‍, റാക് യൂത്ത് സെന്‍റര്‍ ഡയറക്ടര്‍ ജാസിം അഹമ്മദ് അല്‍ ദബല്‍ എന്നിവര്‍ സമാപന ചടങ്ങില്‍ സംബന്ധിച്ചു.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.