റ​മ​ദാ​ൻ; ത​ട​വു​കാ​ർ​ക്ക്​ മോ​ച​ന​മൊ​രു​ക്കി ഭ​ര​ണാ​ധി​കാ​രി​ക​ൾ

ദു​ബൈ: റ​മ​ദാ​ൻ മാ​സ​ത്തി​ന്​ മു​ന്നോ​ടി​യാ​യി രാ​ജ്യ​ത്തെ വി​വി​ധ എ​മി​റേ​റ്റു​ക​ളി​ലെ ഭ​ര​ണാ​ധി​കാ​രി​ക​ൾ നി​ര​വ​ധി ത​ട​വു​കാ​ർ​ക്ക്​ മോ​ച​നം പ്ര​ഖ്യാ​പി​ച്ചു. യു.​എ.​ഇ ​പ്ര​സി​ഡ​ന്റ്​ ശൈ​ഖ്​ മു​ഹ​മ്മ​ദ്​ ബി​ൻ സാ​യി​ദ്​ ആ​ൽ ന​ഹ്​​യാ​ൻ 1,295 പേ​ർ​ക്കാ​ണ്​ ​മോ​ച​നം പ്ര​ഖ്യാ​പി​ച്ച​ത്. ത​ട​വു​കാ​രു​ടെ സാ​മ്പ​ത്തി​ക ബാ​ധ്യ​ത​യും മോ​ച​ന​ത്തി​ന്‍റെ ഭാ​ഗ​മാ​യി ഒ​ഴി​വാ​ക്കി​ക്കൊ​ടു​ക്കും. ജ​യി​ലി​ൽ ക​ഴി​യു​ന്ന​വ​ർ​ക്ക്​ പു​തി​യ ജീ​വി​തം തു​ട​ങ്ങാ​നും അ​വ​രു​ടെ കു​ടും​ബ​ങ്ങ​ൾ​ക്ക്​ ആ​ശ്വാ​സ​മാ​കാ​നും അ​നു​ഗൃ​ഹീ​ത ദി​ന​ങ്ങ​ളി​ൽ പ്രി​യ​പ്പെ​ട്ട​വ​ർ​ക്ക്​ ആ​ഹ്ലാ​ദം പ​ക​രാ​നു​മാ​ണ്​ ന​ട​പ​ടി​യെ​ന്ന്​ പ്ര​സ്താ​വ​ന​യി​ൽ വ്യ​ക്​​ത​മാ​ക്കി.

യു.​എ.​ഇ വൈ​സ്​ പ്ര​സി​ഡ​ന്റും ​പ്ര​ധാ​ന​മ​ന്ത്രി​യും ദു​ബൈ ഭ​ര​ണാ​ധി​കാ​രി​യു​മാ​യ ശൈ​ഖ്​ മു​ഹ​മ്മ​ദ്​ ബി​ൻ റാ​ശി​ദ്​ ആ​ൽ മ​ക്​​തൂം 1,518 ത​ട​വു​കാ​ർ​ക്കാ​ണ്​ മോ​ച​നം ന​ൽ​കു​ന്ന​ത്. ദു​ബൈ പൊ​ലീ​സു​മാ​യി സ​ഹ​ക​രി​ച്ച്​ ദു​ബൈ പ​ബ്ലി​ക്​ പ്രോ​സി​ക്യൂ​ഷ​ൻ ത​ട​വു​കാ​രു​ടെ മോ​ച​ന​ത്തി​ന്​ ന​ട​പ​ടി​ക​ൾ ആ​രം​ഭി​ച്ച​താ​യി അ​റ്റോ​ർ​ണി ജ​ന​റ​ൽ ഇ​സാം ഈ​സ അ​ൽ ഹു​മൈ​ദാ​ൻ അ​റി​യി​ച്ചു.

സു​പ്രീം​കൗ​ൺ​സി​ൽ അം​ഗ​വും ഷാ​ർ​ജ ഭ​ര​ണാ​ധി​കാ​രി​യു​മാ​യ ശൈ​ഖ്​ സു​ൽ​ത്താ​ൻ ബി​ൻ മു​ഹ​മ്മ​ദ് അ​ൽ ഖാ​സി​മി 707പേ​രു​ടെ മോ​ച​ന​ത്തി​നാ​ണ്​ ഉ​ത്ത​ര​വി​ട്ടി​ട്ടു​ള്ള​ത്. ത​ട​വി​ലാ​യി​രി​ക്കു​മ്പോ​ൾ ന​ല്ല സ്വ​ഭാ​വ​ഗു​ണ​ങ്ങ​ൾ കാ​ണി​ച്ച​വ​രാ​ണ്​ മോ​ച​ന​ത്തി​ന്​ പ​രി​ഗ​ണി​ക്ക​പ്പെ​ട്ട​ത്. അ​നു​ക​മ്പ​യു​ടെ​യും ന​വീ​ക​ര​ണ​ത്തി​ന്‍റെ​യും സ​ന്ദേ​ശം പ്ര​തി​ഫ​ലി​പ്പി​ക്കു​ന്ന റ​മ​ദാ​ൻ മാ​സ​ത്തി​ന്‍റെ പ​ശ്ചാ​ത്ത​ല​ത്തി​ലാ​ണ്​ ന​ട​പ​ടി​യെ​ന്നും പ്ര​സ്താ​വ​ന​യി​ൽ വ്യ​ക്​​ത​മാ​ക്കി. സു​പ്രീം​കൗ​ൺ​സി​ൽ അം​ഗ​വും അ​ജ്മാ​ൻ ഭ​ര​ണാ​ധി​കാ​രി​യു​മാ​യ ശൈ​ഖ്​ ഹു​മൈ​ദ് ബി​ൻ റാ​ശി​ദ് അ​ൽ നു​ഐ​മി 207പേ​ർ​ക്കാ​ണ്​ മോ​ച​നം പ്ര​ഖ്യാ​പി​ച്ച​ത്.

സ​ൽ​സ്വ​ഭാ​വ​ത്തി​ന്‍റെ​യും ന​ല്ല പെ​രു​മാ​റ്റ​ത്തി​ന്‍റെ​യും അ​ടി​സ്ഥാ​ന​ത്തി​ലാ​ണ്​ മോ​ചി​ത​രാ​കു​ന്ന​വ​രെ തി​ര​​ഞ്ഞെ​ടു​ത്ത​ത്. സു​പ്രീം​കൗ​ൺ​സി​ൽ അം​ഗ​വും ഫു​ജൈ​റ ഭ​ര​ണാ​ധി​കാ​രി​യു​മാ​യ ശൈ​ഖ്​ ഹ​മ​ദ് ബി​ൻ മു​ഹ​മ്മ​ദ് അ​ൽ ശ​ർ​ഖി വി​വി​ധ രാ​ജ്യ​ങ്ങ​ളി​ൽ നി​ന്നു​ള്ള 111 ത​ട​വു​കാ​രെ എ​മി​റേ​റ്റി​ലെ ജ​യി​ലി​ല്‍ നി​ന്നും മോ​ചി​പ്പി​ക്കാ​ൻ ഉ​ത്ത​ര​വി​ട്ടു. അ​നു​ഗൃ​ഹീ​ത​മാ​യ റ​മ​ദാ​ൻ മാ​സ​ത്തി​ൽ ത​ട​വു​കാ​ർ​ക്ക് അ​വ​രു​ടെ കു​ടും​ബ​ങ്ങ​ൾ​ക്ക് ഒ​പ്പം കൂ​ടാ​നും ഒ​രു പു​തി​യ ജീ​വി​തം ആ​രം​ഭി​ക്കാ​നു​ള്ള അ​വ​സ​രം ന​ല്‍കു​ക​യും ചെ​യ്യു​ക എ​ന്ന താ​ൽ​പ​ര്യ​ത്തോ​ടെ​യാ​ണ് ഈ ​മോ​ച​നം.

ഫു​ജൈ​റ പൊ​ലീ​സ് ക​മാ​ൻ​ഡ​ർ-​ഇ​ൻ-​ചീ​ഫ് മേ​ജ​ർ ജ​ന​റ​ൽ മു​ഹ​മ്മ​ദ് ബി​ൻ ഘാ​നം അ​ൽ ക​ഹ്ബി സാ​മൂ​ഹി​ക​വും മാ​നു​ഷി​ക​വു​മാ​യ ഈ ​പ്ര​വ​ര്‍ത്ത​ന​ത്തി​ന് ഫു​ജൈ​റ ഭ​ര​ണാ​ധി​കാ​രി​യോ​ട് ന​ന്ദി​യും അ​ഭി​ന​ന്ദ​ന​വും അ​റി​യി​ച്ചു. സു​പ്രീം​കൗ​ൺ​സി​ൽ അം​ഗ​വും റാ​സ​ൽ​ഖൈ​മ ഭ​ര​ണാ​ധി​കാ​രി​യു​മാ​യ ശൈ​ഖ്​ സ​ഊ​ദ് ബി​ൻ സ​ഖ​ർ അ​ൽ ഖാ​സി​മി 506 പേ​ർ​ക്ക്​ മോ​ച​ന​മാ​ണ്​ പ്ര​ഖ്യാ​പി​ച്ച​ത്. ത​ട​വു​കാ​രു​ടെ സാ​മ്പ​ത്തി​ക ബാ​ധ്യ​ത​യും മോ​ച​ന​ത്തി​ന്‍റെ ഭാ​ഗ​മാ​യി ഒ​ഴി​വാ​ക്കി​ക്കൊ​ടു​ക്കു​മെ​ന്ന് പ്ര​സ്താ​വ​ന​യി​ൽ അ​റി​യി​ച്ചി​ട്ടു​ണ്ട്.