അജ്മാൻ ഇക്വസ്ട്രിയൻ ക്ലബ്ബിലെ കുതിര പരിശീലനം
അജ്മാന്‍: അഞ്ചു വയസ്സും അതിൽ കൂടുതലുമുള്ള കുട്ടികൾക്ക് കുതിരസവാരി പരിശീലിപ്പിക്കുന്നതിന് രജിസ്ട്രേഷൻ ആരംഭിച്ചു. അജ്മാൻ ഇക്വസ്ട്രിയൻ ക്ലബാണ്‌ ഇതുസംബന്ധിച്ച് പ്രഖ്യാപനം നടത്തിയത്. പരിശീലന കോഴ്‌സ് ചൊവ്വാഴ്ച ആരംഭിക്കും. രാവിലെ ഏഴു മുതൽ പത്തു വരെയും വൈകീട്ട് 5.30 മുതൽ രാത്രി 8.30 വരെയുമായിരിക്കും പരിശീലനം. മികച്ച പരിചയസമ്പന്നരും ഉയർന്ന പ്രഫഷനൽ പരിശീലകരും കുട്ടികളോടൊപ്പം ഉണ്ടായിരിക്കും.
പരിശീലന കോഴ്‌സുകൾക്ക് അനുയോജ്യമായ അന്തരീക്ഷം ഒരുക്കിയിട്ടുണ്ടെന്നും ക്ലബ് ആവശ്യമായ നടപടി സ്വീകരിക്കുമെന്നും അജ്മാൻ ഇക്വസ്ട്രിയൻ ക്ലബ് പബ്ലിക് റിലേഷൻസ് ഡയറക്ടർ ജനറൽ മുഹമ്മദ് ആട്രീസ് പറഞ്ഞു. രക്ഷിതാക്കൾക്ക് തങ്ങളുടെ കുട്ടികളെ പരിശീലിപ്പിക്കാന്‍ താൽപര്യമുണ്ടെങ്കിൽ കൂടുതൽ വിവരങ്ങൾ ലഭിക്കുന്നതിന് അജ്മാൻ ഇക്വസ്ട്രിയൻ ക്ലബിന്‍റെ 0505865588 എന്ന നമ്പറിൽ വിളിച്ച് ബന്ധപ്പെടാം.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.