അജ്മാന്‍: സന്നദ്ധ സംഘടനകളെ അജ്മാൻ ഭരണാധികാരി ശൈഖ് ഹുമൈദ് ബിന്‍ റാഷിദ് അല്‍ നുഐമി ആദരിച്ചു. അജ്മാന്‍ യൂനിവേഴ്സിറ്റിയില്‍ തുടര്‍വിദ്യാഭ്യാസത്തിന് ബുദ്ധിമുട്ട് അനുഭവിക്കുന്ന വിദ്യാര്‍ഥികളെ സഹായിക്കുന്നതിന് സജീവമായി പങ്കുവഹിച്ച സാമൂഹിക കൂട്ടായ്മകളെയാണ് അജ്മാന്‍ ഭരണാധികാരി ആദരിച്ചത്. ഇവരുടെ സഹായംകൊണ്ട് നിരവധി വിദ്യാർഥികൾക്ക് സാമ്പത്തിക വെല്ലുവിളികളെ തരണംചെയ്യാനും വിദ്യാഭ്യാസം വിജയകരമായി പൂർത്തിയാക്കാനും കഴിഞ്ഞിരുന്നു.
അജ്മാൻ യൂനിവേഴ്‌സിറ്റിയിലെ ശൈഖ് സായിദ് ഹാളിൽ നടന്ന ആദരിക്കൽ ചടങ്ങിൽ വിദ്യാർഥികളെയും രക്ഷിതാക്കളെയും സഹായിച്ചതിന് ദാതാക്കളെ ശൈഖ് ഹുമൈദ് അഭിനന്ദിക്കുകയും ചെയ്തു.
അജ്മാനിലെ ഇന്റർനാഷനൽ ചാരിറ്റി ഓർഗനൈസേഷൻ, അൽ റോസ്തമാനി ഗ്രൂപ് ഖലീഫ ബിൻ സായിദ് ആൽ നഹ്യാൻ ഫൗണ്ടേഷൻ, ഈസ സാലിഹ് അൽ ഗുർഗ് ചാരിറ്റി ഫൗണ്ടേഷൻ, ദാർ അൽ ബർ സൊസൈറ്റി, മുർഷിദ് അൽ ഷെഹി എന്നിവരെയാണ് ചടങ്ങില്‍ ആദരിച്ചത്.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.