ആര്.എസ്.സി അബൂദബി സിറ്റി സോണ് സാഹിത്യോത്സവില് ചാമ്പ്യന്മാരായ അല്-വഹ്ദ
സെക്ടര് അംഗങ്ങള്
അബൂദബി: രിസാല സ്റ്റഡി സര്ക്കിള് (ആര്.എസ്.സി.) കലാലയം സാംസ്കാരിക വേദി പ്രവാസി സാഹിത്യോത്സവിന്റെ പതിമൂന്നാമത് എഡിഷന് അബൂദബി സിറ്റി സോണ് തല മത്സരങ്ങള് സമാപിച്ചു.
അബൂദബി ഫോക്ലോര് തിയറ്ററില് സിറ്റി പരിധിയിലെ ആറ് സെക്ടറുകളെ പ്രതിനിധാനം ചെയ്ത് 400ലേറെ പ്രതിഭകള് മത്സരിച്ചു. പ്രൈമറി, ജൂനിയര്, സെക്കൻഡറി, സീനിയര്, ജനറല് കാറ്റഗറികളിലായി മെയില്, ഫീമെയില് വിഭാഗങ്ങള് ഉള്പ്പെടെ 93 മത്സരയിനങ്ങളില് യൂനിറ്റ്, സെക്ടര് ഘടകങ്ങളില് വിജയികളായവരാണ് സോണ്തല മത്സരങ്ങളില് പങ്കെടുത്തത്.
മുഴുവന് മത്സരഫലങ്ങളും പുറത്തുവന്നപ്പോള് 296 പോയന്റ് നേടി അല്-വഹ്ദ സെക്ടര് ചാമ്പ്യന്മാരായി. 243, 227 പോയന്റുകള് നേടി നാദിസിയ്യ, മുറൂര് സെക്ടറുകള് രണ്ട്, മൂന്ന് സ്ഥാനങ്ങള് കരസ്ഥമാക്കി. അല്-വഹ്ദ സെക്ടറില്നിന്ന് സെക്കൻഡറി വിഭാഗത്തില് മത്സരിച്ച മുഹമ്മദ് ശിബില് കലാപ്രതിഭയായും ഉമ്മുന്നാര് സെക്ടറില്നിന്ന് സീനിയര് വിഭാഗത്തില് മത്സരിച്ച ജസ്മി മുഹമ്മദിസ സര്ഗപ്രതിഭയായും തിരഞ്ഞെടുക്കപ്പെട്ടു. ഐ.സി.എഫ്, കെ.സി.എഫ് നേതാക്കളും സ്വാഗതസംഘം ഭാരവാഹികളും ചേര്ന്ന് പ്രതിഭകള്ക്ക് ട്രോഫി സമ്മാനിച്ചു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.