‘സ്വാതന്ത്ര്യത്തിന്‍റെ 76 വർഷങ്ങൾ’ വിഷയത്തിൽ ഓർമ സംഘടിപ്പിച്ച സെമിനാർ
ദുബൈ: സ്വാതന്ത്ര്യത്തിന്‍റെ 76 വർഷങ്ങൾ പിന്നിടുമ്പോൾ ജനാധിപത്യ ഇന്ത്യ നേരിടുന്ന വെല്ലുവിളികൾ എന്ന വിഷയത്തിൽ ഓർമ സെമിനാർ സംഘടിപ്പിച്ചു. ആഗസ്റ്റ് അഞ്ചിന് വൈകീട്ട് ദേരയിൽവെച്ച് നടന്ന പരിപാടി കൈരളി ടി.വി എക്സിക്യൂട്ടിവ് എഡിറ്റർ ശരത് ചന്ദ്രൻ ഉദ്‌ഘാടനം ചെയ്തു.
ബഷീർ തിക്കോടി, അഡ്വ. ആയിഷ സക്കീർ ഹുസൈൻ, ദേശാഭിമാനി മുൻ സീനിയർ എഡിറ്റർ എ.വി. സന്തോഷ് കുമാർ എന്നിവർ വിഷയം അവതരിപ്പിച്ചു. ഓർമ പ്രസിഡന്‍റ് ഷിജു ബഷീർ അധ്യക്ഷത വഹിച്ചു. പ്രവാസി ക്ഷേമനിധി ബോർഡ് ഡയറക്ടറും ഓർമ മുഖ്യ രക്ഷാധികാരിയുമായ എൻ.കെ. കുഞ്ഞഹമ്മദ് ആശംസകൾ നേർന്നു. ഓർമ ജനറൽ സെക്രട്ടറി പ്രദീപ് തോപ്പിൽ സ്വാഗതം പറഞ്ഞു. നിരവധി പേർ പരിപാടിയിൽ പങ്കെടുത്തു. ഓർമ സെൻട്രൽ കമ്മിറ്റി ട്രഷറർ സന്തോഷ് മാടാരി നന്ദി പറഞ്ഞു.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.